ផាន់ ផាត់ណា ជួបទុក្ខធំម្ដាយទទួលមរណភាព

តារាសម្តែងស្រីរូបស្រស់ ផាន់ ផាត់ណា កំពុងមានទុក្ខដ៏ក្រៀមក្រំ និងសោកសៅនៅក្នុងគ្រួសារ បន្ទាប់ពីមានដំណឹងថាអ្នកម្តាយជាទីស្រលាញ់របស់នាងបានទទួលមរណភាពទាំងអាល័យបំផុត។

ដំណឹងមរណ:ទុក្ខនេះក៏បានធ្វើឲ្យអ្នកគាំទ្រ និងមិត្តភក្តិរួមអាជីពសិល្ប:សម្តែងការសោកស្តាយព្រមទាំងផ្ញើសារចូលរួមរំលែកទុក្ខដ៏ក្រៀមក្រំនេះជាមួយតារាស្រីរូបស្រស់អ្នកនាង ផាន់ ផាត់ណា ផងដែរ។ ជាក់ស្តែងនៅលើទំព័រហ្វេសប៊ុករបស់តារាសម្ដែងលោក ឆឹម សក្កដា បានបង្ហោះសារចូលរួមរំលែកទុក្ខដែរថា «ចូលរួមរំលែកទុក្ខ Phoung Moniroth RIP»។

ទោះបីជាយ៉ាងណាគេមិនទាន់ដឹងទេថា ម្តាយជាទីស្រលាញ់របស់តារាស្រី ផាន់ ផាត់ណា ទទួលមរណភាពដោយសារជំងឺអ្វីឡើយ ខណ:មានទស្សនិកជនមួយចំនួនក៏បានសួរនាំចង់ដឹងផងដែរ។ ដោយងាកមកចាប់អារម្មណ៍នៅលើគណនីហ្វេសប៊ុករបស់ ផាន់ ផាត់ណា កាលពីយប់មិញនាងក៏បានបង្ហោះបន់ស្រន់សូមឲ្យព្រះតាមជួយថែរក្សាម្តាយខ្លួនប៉ុន្តែគួរ ឲ្យសោកស្តាពេលនេះទទួលបានដំណឹងមរណភាពទៅហើយ៕

អត្ថបទ៖ ចាន់រ៉ា