Kim Kardashian ហ៊ានញ៉ាំដល់លាមក បើជួយឲ្យក្មេងជាងវ័យពិតមែន

កំពូលតារាបង្ហាញម៉ូដ Kim Kardashian ក្នុងវ័យ ៤១ឆ្នាំ បានបង្កការភ្ញាក់ផ្អើលដល់អ្នកគាំទ្រមិនស្ទើរ ក្រោយពីនាងបោះពាក្យសម្ដីថាខ្លួននឹងញ៉ាំលាមកជាថ្នូរនឹងភាពក្មេងជាងវ័យ ប្រសិនបើវាអាចជួយយឹតយោងសម្រស់របស់នាងបានពិតមែន។

Kim បានធ្វើអត្ថាធិប្បាយ នៅក្នុងបទសម្ភាសន៍ជាមួយកាសែត New York Times ថា “ពីមុនខ្ញុំធ្លាប់និយាយលេងសើច ប៉ុន្តែពេលនេះខ្ញុំគិតអំពីវាមែនទែន។ ខ្ញុំប្រហែលជាញ៉ាំលាមកខ្លួនឯង ប្រសិនបើការញ៉ាំលាមក​មួយ​ចាន​​រាល់​ថ្ងៃ អាចជួយឱ្យសម្រស់មើល​ទៅ​ក្មេង​ជាង​វ័យ” ។ ទោះយ៉ាងណា នៅពេលសួរដេញដោលដល់ការប្ដេជ្ញាចិត្តពិតប្រាកដ តារាម៉ូដែលរូបនេះ ឆ្លើយថាខ្លួនមិនអាចញ៉ាំបានមួយចាននោះទេ ប៉ុន្តែនាងអាចញ៉ាំវាពីរបីម៉ាត់។

បន្ទាប់ពីឮការអះអាងរបស់ Kim Kardashian មហាជនពិតជាមិននឹកស្មាននោះទេថា នាងហ៊ានសូម្បីញ៉ាំលាមកខ្លួនឯង ហើយតាមរយៈការអះអាងមួយនេះដែរ គ្រប់គ្នាកាន់តែច្បាស់ពីមហិច្ឆិតារបស់នាង ព្រោះដើម្បីសម្រស់នាងអាចធ្វើបានគ្រប់យ៉ាង មិនថាញ៉ាំវត្ថុស្មោកគ្រោកប៉ុនណាក៏ដោយ៕

ប្រែសម្រួល៖ សន្យា

ប្រភព៖ Asiaone

ចុចអាន៖ ជីកកកាយចំណូលកប់ក្ដោង បងប្អូនស្រីត្រកូល Kardashian និង Jenner