ភរិយា ឈិនឡុង​ លេចមុខជាសាធារណៈម្ដង មហាជនផ្អើលព្រាត

ចូលវ័យ ៦៩ឆ្នាំហើយ ភរិយារបស់ ឈិនឡុង (Jackie Chan) អតីតតារាសម្ដែងតៃវ៉ាន់ ធ្វើឲ្យមហាជនភ្ញាក់ផ្អើលជាមួយនឹងរូបរាងក្មេងជាងវ័យ មើលសឹងច្រឡំយុវវ័យ ក្រោយបង្ហាញខ្លួនជាសាធារណៈកាលពីពេលថ្មីៗនេះ។

អ្នកស្រី Joan Lin បាន​ចូល​និវត្តន៍​ពី​វិស័យ​សិល្បៈ​ ក្រោយ​រៀបការ​ជាមួយតារា​ក្បាច់​គុន Jackie Chan កាលពីឆ្នាំ១៩៨២។ បន្ទាប់ពីរៀបការរួចអ្នកស្រីក៏សម្រេចចិត្ត​រស់​នៅ​ជីវិត​ឯកជន​ កម្រ​បង្ហាញ​មុខចំពោះ​អ្នក​សារព័ត៌មានជាទីបំផុត។

ទើបតែពេលថ្មីៗនេះ គេថតបានរូបថតជាច្រើនសន្លឹករបស់ភរិយា ឈិនឡុង នៅពេលបង្ហាញខ្លួនជាសាធារណៈដ៏កម្រ ហើយវាបានក្លាយជាប្រធានបទដ៏គួរឱ្យចាប់អារម្មណ៍ពាសពេញបណ្ដាញសង្គមចិន ដោយសារតែរូបរាងដ៏ក្មេងខ្ចីរបស់អ្នកស្រី។ ជាមួយនឹងរូបរាងស្រឡូន ស្បែកស និងការតុបតែងខ្លួនបែបយុវវ័យថែមទៀតនោះ គ្មាននរណាគិតទេថា Joan Lin ជាស្ត្រីវ័យ ៦៩ឆ្នាំ។

ដោយឡែកចំពោះអាថ៌កំបាំងរក្សាសម្រស់ក្មេងជាងវ័យ និងគួរឲ្យទាក់ទាញរបស់អតីតតារាសម្ដែងរូបនេះ ត្រូវគេទម្លាយថា ដោយសារតែអ្នកស្រីទម្លាប់ញ៉ាំអាហារតាមក្បួនសុខភាព និងហាត់ប្រាណជាប្រចាំ៕

ប្រែសម្រួល៖ សន្យា

ចុចអាន៖ ដឹងអាថ៌កំបាំងរក្សាវ័យមិនចេះចាស់របស់ អតីតតួ ហាន់ជីអ៊ុន

ចុចអាន៖ ផ្ទុះរឿងអាស្រូវ ឈិនឡុង ជាមួយកូនស្រី