ជីវិតកម្សាន្ដ

ពេជ្រ សូលីកា សុំអង្វរកុំប៉ះទង្គិចផ្លូវចិត្តនាង ព្រោះទុកពេលចិញ្ចឹមកូន និងប្អូន

បានផុស

៣ years មុន

នៅ

ថ្ងៃអង្គារ ១២ កក្កដា ២០២២

ដោយ

ដូចដែលបានដឹងហើយថា ចំណងស្នេហ៍កូន ១ រវាងតារាស្រីអ្នកនាង ពេជ្រ សូលីកា និងស្វាមីខ្មែររស់នៅក្រៅប្រទេសពេលនេះ បានឈានដល់ផ្លូវបែកបាក់ហើយ។ ដំណឹងនេះ បានធ្វើឲ្យអ្នកគាំទ្របង្ហាញការភ្ញាក់ផ្អើលគ្រប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបែកបាក់នេះ សម្រាប់អ្នកនាង ពេជ្រ សូលីកា រហូតមកដល់ពេលនេះនាងមិនបានធ្វើការបកស្រាយអ្វីទាំងអស់ ចំពោះមូលហេតុនៃដើមចម ដែលធ្វើឲ្យចំណងស្នេហារបស់ពួកគេដើរដល់ផ្លូវប្រេះឆាដូច្នេះ ។ប៉ុន្តែមុននេះនាងក៏បានចេញមុខទទូច កុំឲ្យប៉ះទង្គិចផ្លូវចិត្ត ព្រោះទុកពេលដើម្បីចិញ្ចឹមកូន និងប្អូន។

តារាចម្រៀងអ្នកនាង ពេជ្រ សូលីកា បានលើកឡើងថា ខ្ញុំមិនបង្ហាញថា ខ្ញុំយំមិនមែនមានន័យថា ខ្ញុំមិនឈឺទេ សូមកុំប៉ះទង្គិចផ្លូវចិត្តខ្ញុំទៀតខ្ញុំសុំអង្វរ ហើយគ្រប់យ៉ាងដែលខ្ញុំត្រូវធ្វើឥឡូវនេះ គឺដើម្បីក្រពះប្អូន និងកូនរបស់ខ្ញុំ។ យ៉ាងណាមិញនាងមិនអត្ថាធិប្បាយអ្វីច្រើនជាងនេះទេ ពាក់ព័ន្ធរឿងរ៉ាវបែកបាក់ស្នេហ៍ដែលធ្លាប់តែផ្អែមល្ហែមកន្លងមកនោះ។ ដោយឡែកថ្មីៗនេះ នាងក៏បានបញ្ចេញសារវែងអន្លាយមួយនិយាយរឿងកូនផងដែរ។

តារាស្រីពេជ្រ សូលីកាបានរៀបរាប់ថា «ខ្ញុំនឹងបង្រៀនកូនប្រុសរបស់ខ្ញុំឱ្យចេះស្គាល់អំពីការឱ្យតម្លៃមនុស្សជុំវិញខ្លួនឱ្យបានច្រើន រៀនកុំកុហក កុំក្បត់ កុំអាត្មានិយម កុំអំនួតលើខ្លួនឯង កុំបោកប្រាស់ កុំធ្វើបាបចិត្តគេ កុំនិយាយជាន់មនុស្សដែលខ្លួនស្រឡាញ់ កុំចង់មានបានលើសពីសមត្ថភាពរបស់ខ្លួន កុំរៀនល្បិចកល កុំហ៊ឺហានឹងរបស់ក្លែងក្លាយ កុំងប់ងល់នឹងទង្វើរបស់ខ្លួនបានប្រឌិត កុំរៀនសម្ដែងក្នុងឆាកជីវិតពិត ហើយរៀនចងចាំអ្វីដែលខ្លួនបានធ្វើដាក់គេឱ្យបានច្រើន រៀនទទួលការពិត រៀនទទួលយកកំហុសដែលខ្លួនបានធ្វើ រៀនយល់ពីចិត្តគេសំខាន់ជាងគេនោះ គឺភាពស្មោះត្រង់មិនក្បត់ផិតនិងការឱ្យតម្លៃមនុស្ស៕