ជីវិតកម្សាន្ដ

តារាជើងចាស់ថៃ Winai តួឯករឿង “កូនពស់កេងកង” បង្ហោះឃ្លិបប្រាប់ស្ថានភាពជំងឺថ្មីមួយទៀត

បានផុស

៣ years មុន

នៅ

ថ្ងៃពុធ ១៣ កក្កដា ២០២២

ដោយ

ឃ្លិបវីដេអូមួយ ពីតារាជើងចាស់ Winai កំពុងដេកឈឺក្នុងមន្ទីរពេទ្យព្យាបាលខ្លួនម្ដងទៀត ធ្វើឲ្យមនុស្សជាច្រើនមានការភ្ញាក់ផ្អើលជាខ្លាំង។ ខណៈតារារូបនេះ ទើបតែជាសះស្បើយពីជំងឺសើស្បែកកាលពីឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងគណនី TikTok របស់តារាសម្ដែង Winai Kraibutr បានអាប់ដេតជំងឺរបស់លោកដោយបញ្ជាក់ពីរាងកាយហើមខ្លាំង ដោយសារការចាប់ផ្ដើមនៃជំងឺនេះ ហើយថា រោគសញ្ញានៃជំងឺពងបែកនេះ ត្រូវបានបញ្ជូនទៅព្យាបាលប្លាស្មាភ្លាមៗ មិនបង្អង់ឡើយ។

តួឯកប្រុសក្នុងរឿង”កូនពស់កេងកង” ក៏បានបន្ថែមទៀតថា ករណីនៃជំងឺនេះគឺទាក់ទងនឹងអេម៉ូក្លូប៊ីន។ ប៉ុន្តែរោគសញ្ញាស្បែកត្រូវការពេលវេលាដើម្បីជាសះស្បើយ។ ជាធម្មតា វាចំណាយពេលប្រហែលមួយសប្តាហ៍។ ចំពោះជំងឺអូតូអ៊ុយមីន ណែនាំឲ្យសម្រាកយ៉ាងតិច ៦ខែ ទៅ ១ឆ្នាំ ព្រោះបើជំងឺបានធូរស្រាលជាង ៦ ខែ ឱកាសកើតឡើងវិញ មានកម្រិតទាប។

ទោះយ៉ាងណា អ្នកគាំទ្រហាក់ព្រួយបារម្ភខ្លាំងលើជំងឺរបស់តារាជើងចាស់នេះ ប៉ុន្តែក៏មានការលើកទឹកចិត្តផ្ញើជូនដល់លោកច្រើនលើសលប់។ ខណៈគ្រប់គ្នាបានឃើញថា លោកពិតជាក្លាហានណាស់ និងតែងតែមានថាមពលសម្រាប់ខ្លួនឯងជានិច្ច បើរាប់តាំងពីជំងឺសើស្បែកកម្រិតធ្ងន់ពីឆ្នាំំមុន៕

សូមទស្សនាវីដេអូខាងក្រោម៖