ភាពយន្តហូលីវូដ យកលំនាំតាមរឿង “រថភ្លើងទៅប៊ូសាន” កំពុងជាប់គាំង ក្រោយរងការរិះគន់

ខ្សែភាពយន្ត “រថភ្លើងទៅប៊ូសាន” (Train To Busan) របស់កូរ៉េខាងត្បូង ទទួលបានការគាំទ្រពីស្សនិកជនលើសការរំពឹងទុក កាលពីឆ្នាំ២០១៦ និងទទួលបានការទទួលប្រជាប្រិយជាអន្តរជាតិ រហូតអាមេរិកយកលំនាំតាម ដោយថតវាឡើងវិញជាភាពយន្តហូលីវូដទៀតផង។

ខ្សែភាពយន្តកូរ៉េខាងត្បូង Train to Busan គឺជាភាពយន្តដ៏ល្បីល្បាញ ដែលបានចេញផ្សាយកាលពីពាក់កណ្ដាលឆ្នាំ២០១៦ និងត្រូវបានផលិតករអាមេរិកបង្ហាញផែនការថតឡើងវិញដោយមិនបានសុំសិទ្ធិ កាលពីចុងឆ្នាំ២០២១ ខណៈខ្សែភាពយន្តនេះមានចំណងជើងថា “រថភ្លើងចុងក្រោយទៅញូយ៉ក” (The Last Train to New York)។

ទោះយ៉ាងណា ក្រោយប្រកាសថតកាលពីខែធ្នូ ឆ្នាំមុន និងបញ្ជាក់កាលបរិច្ឆេទចេញផ្សាយនៅថ្ងៃទី២១ ខែមេសា ឆ្នាំ២០២៣ ខាងមុខ ពេលនេះគម្រោងត្រូវជាប់គាំង ដោយមិនបញ្ជាក់ពីមូលហេតុនៃការពន្យារពេល ឬកាលបរិច្ឆេទចាក់បញ្ចាំងថ្មីនោះទេ។

គួរបញ្ជាក់ថា រឿង The Last Train to New York ត្រូវបានទស្សនិកជនរិះគន់យ៉ាងខ្លាំងបន្ទាប់ពីប្រកាសថត ព្រោះម្នាក់ៗសុទ្ធតែចាត់ទុករឿងនេះជារឿងកូពីខ្សែភាពយន្ត Train To Busan ហើយគេមិនរំពឹងថាវាជោគេជ័យឡើយ ក្រោយចាក់បញ្ចាំង៕

ប្រែសម្រួល៖ សន្យា

ចុចអាន៖ វិថីសិល្បៈ ៩ឆ្នាំរបស់ BTS ត្រូវបានថតជាខ្សែភាពយន្តឯកសារ ដែលនឹងចាក់ផ្សាយឆាប់ៗនេះ