ជីវិតកម្សាន្ដ

ផ្ទុះការរិះគន់មិនលួសថ្ងៃ រឿង “បុព្វេសន្និវាស” វគ្គ២ យកផ្ការំដួលដាក់លើ Poster

បានផុស

៣ years មុន

នៅ

ថ្ងៃចន្ទ ២៥ កក្កដា ២០២២

ដោយ

អ្នកគាំទ្រកម្ពុជាហាក់មិនពេញចិត្ត ខណៈទំព័រហ្វេសប៊ុករបស់ផលិតកម្មភាពយន្តល្បីឈ្មោះ GDH បានបង្ហោះរូបផ្សព្វផ្សាយភាពយន្តដោយយកផ្ការំដួល ដែលជាផ្កាតំណាងជាតិខ្មែរដាក់លើ Poster រឿង “បុព្វេសន្និវាស” វគ្គ ២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ បានកើតឡើងលើបណ្ដាញសង្គម និងក្លាយជាប្រធានបទក្ដៅគគុក ក្រោយតួឯកស្រីក្នុងរឿង គឺ Bella Ranee កាន់ផ្ការំដួល ដែលខាងថៃគេហៅថាផ្កា ឡាំឌួន។ ភ្លាមៗអ្នកនិយមលេងអ៊ីនធឺណិត ហាក់មិនសប្បាយចិត្តសោះនិងសម្រុកចូល Comment ថារំដួល ជាផ្កាតំណាងឲ្យកម្ពុជា មិនមែនជាផ្ការបស់ថៃនោះទេ។

ទន្ទឹមនោះ ងាកទៅខាងអ្នកគាំទ្រថៃឯណោះវិញ ក៏បានចូលមកឆ្លងឆ្លើយជាមួយអ្នកគាំទ្រកម្ពុជាថា ឈប់យល់ច្រឡំថានេះជារបស់អ្នកណាទៅ ហេតុអ្វីបានជាធ្វើឲ្យក្លាយជាបញ្ហាធំ។ អ្នកទាមទារកម្មសិទ្ធិ ទោះបីផ្កាឡាំឌួនមាននៅគ្រប់ទីកន្លែងក៏ដោយ នៅប្រទេសជាច្រើន ប្រទេសថៃក៏មានបង្អែម ខេប ឡាំឌួន បើអ្នកដឹងទេថា ជនជាតិថៃបរិភោគផ្កាឡាំឌួនជាមួយគ្នាដែរ។

យ៉ាងណាមិញ បញ្ហានេះក៏បានធ្វើឲ្យអ្នកគាំទ្រកម្ពុជានៅតែមិនសប្បាយចិត្តខ្លាំង ខណៈអ្នកខ្លះបាននិយាយថា មិនទៅទស្សនារឿង”បុព្វេសន្និវាស” វគ្គ២ នោះទេ ព្រោះអស់អារម្មណ៍លែងគាំទ្រទៀតហើយ។

ដោយឡែកមកទល់ពេលនេះ ខាងក្រសួងវិចិត្រសិល្បៈនៅមិនទាន់មានការបកស្រាយលម្អិត ឲ្យប្រជាជនកម្ពុជាអស់ចម្ងល់នូវឡើយទេ ពីរឿងផ្ការំដួលដែលជាផ្កាតំណាងជាតិរបស់ខ្មែរ។ ខណៈអ្នកគាំទ្រខ្លះថា ប្រទេសថៃក៏មានផ្កាឡាំឌួនដែលស្រដៀងនឹងផ្ការំដួលរបស់កម្ពុជាយើងដែរ៕

សាង ស្រីល័ក្ខ

ចុចអាន៖ទម្លាយមុខជំនួញ Weir Sukollawat ១០ កន្លែង មិនចាញ់សេដ្ឋីប្រចាំប្រទេស ថៃ ឡើយ