Marvel ប្រកាសពេលចាក់បញ្ចាំងភាពយន្ត Avengers ថ្មីចំនួន ២ទៀត

ខ្សែភាពយន្តកំពូលវីរបុរស Avengers ថ្មីចំនួន២ នឹងបង្ហាញវត្តមានក្នុងរោងកុន នាឆ្នាំ២០២៥ ខាងមុខ តាមការទន្ទឹងរង់ចាំរបស់អ្នកគាំទ្រ។ នេះបើតាមការបញ្ជាក់ពីស្ទូឌីយោ Marvel កាលពីថ្ងៃសៅរ៍ ទី២៣ ខែកក្កដា ឆ្នាំ២០២២។

ខ្សែភាពយន្តទាំង២នោះគឺ រឿង “Avengers: The Kang Dynasty” និងរឿង “Avengers: Secret Wars” ខណៈពេលនេះរឿងទាំងពីរកំពុងដំណើរការថត ជិតនឹងបញ្ចប់ការថតទាំងស្រុងហើយ។

ប្រធានស្ទូឌីយោ Marvel លោក Kevin Feige បានឱ្យដឹងនៅ​ក្នុង​សាល​សន្និបាតប្រចាំឆ្នាំនៅទីក្រុង San Diego ថា ក្រៅពីរឿងទាំងពីរ ស្ទូឌីយោរបស់ខ្លួនក៏កំពុងថតរឿងហូលីវូដពីរបីរឿងទៀតផងដែរ ត្រៀមនឹងចាក់បញ្ចាំងលើ Disney+ នាឆ្នាំ២០២៤។

គួរបញ្ជាក់ថា ក្រោយពីខ្សែភាពយន្ត Avengers: Endgame ដែលចេញផ្សាយឆ្នាំ ២០១៩ ទទួលជោគជ័យយ៉ាងខ្លាំងក្លា ក្លាយជាភាពយន្តដែលរកចំណូលបានខ្ពស់បំផុតរហូតដល់ ២៥ពាន់លានដុល្លារនៅក្នុងការលក់ Box Office ទូទាំងពិភពលោក ទើបពេលនេះ Marvel បាននិងកំពុងថតស៊េរី Avengers ២រឿងបន្ថែមទៀត៕

ប្រែសម្រួល៖ សន្យា

ចុចអាន៖ អ្នកគាំទ្រនាំគ្នាអរ ក្រោយលេចមុខ ហ្វាន ពីងពីង ក្នុងរឿងភាគកូរ៉េ