មិនធ្លាប់ដឹងសោះ ក្រៅពីច្រៀង តារាកូរ៉េ ៥រូបនេះ ជា CEO ក្រុមហ៊ុនកម្សាន្តផ្ទាល់ខ្លួនទៀត

ខាង​ក្រោម​នេះជាតារាស្រីកូរ៉េ ​៥​រូប ​ដែលបាន​ក្លាយ​ជា​ម្ចាស់​អាជីវកម្មផ្ទាល់ខ្លួនយ៉ាង​ជោគជ័យ​ ​ខណៈអាជីពជាអ្នកចម្រៀងរបស់ពួកនាងនៅតែបន្តរហូតដល់បច្ចុប្បន្ន។

១. Hyolyn

បន្ទាប់ពីក្រុម SISTAR របស់Hyolyn ត្រូវរំសាយនៅឆ្នាំ ២០១៧ នាងបានចាប់ផ្តើមបង្កើតក្រុមហ៊ុនកម្សាន្តផ្ទាល់ខ្លួនឈ្មោះ Brid3 Entertainment ។ ត្បិតថាចាប់ផ្កើមអាជីវកម្ម​ផ្ទាល់ខ្លួនក្នុងនាមជា CEO ពិតមែន ប៉ុន្តែតារាស្រីរូបនេះ​នៅតែបន្ត​អាជីព​ច្រៀង និង​សម្តែង​ដដែល ។

២. CL

អតីតសមាជិកក្រុម 2NE1 រូបនេះជាតារាស្រីពហុជំនាញទាំងរាំ ច្រៀង និងរ៉េបដ៏ពូកែ។ ក្រោយរំសាយក្រុមប៉ុន្មានឆ្នាំ នាកំលុងនៅឆ្នាំ ២០២០ CL បានចាប់ផ្តើមភ្នាក់ងារផ្ទាល់ខ្លួនគឺ Very Cherry ខណៈសព្វថ្ងៃនាងទទួលបានប្រជាប្រិយកាន់តែខ្លាំងផងដែរពីវិស័យចម្រៀង។

៣. Minzy

បន្ទាប់ពីក្រុម 2NE1 បំបែកគ្នា Minzy បានចាប់ផ្តើមក្រុមហ៊ុនពហុកម្សាន្តគឺ MZ Entertainment នាឆ្នាំ ២០២០។ ក្រុមហ៊ុននេះជាក្រុមហ៊ុនធ្វើការជ្រើសរើសនិងបណ្តុះបណ្តាលសិល្បករជំនាន់ក្រោយ ដោយទទួលការបង្វឹកពី Minzy ផ្ទាល់តែម្ដង។

៤. Yubin

Yubin ជា​សមាជិក​ក្រុម​ចម្រៀង​នារី Wonder Girl ដែល​ត្រូវ​បាន​រំសាយ។ ក្រោយនាងចាកចេញពីផលិតកម្ម JYP ​​Entertainment តារាស្រីរូបនេះបានបង្កើតក្រុមហ៊ុនផ្ទាល់ខ្លួនឈ្មោះ rrr Entertainment នៅក្នុងឆ្នាំ ២០២០។

៥. Kim Sohye

Sohye បានបង្ហាញខ្លួនដំបូងក្នុងក្រុម I.O.I ដែលជាក្រុមចម្រៀងនារីបណ្តោះអាសន្ន បង្កើតឡើងតាមរយៈកម្មវិធីទូរទស្សន៍ Produce 101។ បន្ទាប់ពីក្រុមនេះត្រូវបានរំសាយនៅឆ្នាំ ២០១៧ នាងកសាងក្រុមហ៊ុនផ្ទាល់ខ្លួនយ៉ាងជោគជ័យគឺ S&P Entertainment (Shark & ​​Penguin Entertainment) ៕

ប្រែសម្រួល៖ សន្យា

ចុចអាន៖ តាមពិតក្រុម BLACKPINK ដំបូងបំផុត មិនមែនមានសមាជិកតែ ៤នាក់ទេ