ជីវិតកម្សាន្ដ

តាស្លេក លេចមុខសាជាថ្មីម្ដងទៀត ក្រោយបាត់ពីសិល្បៈអស់ពេលជាយូរ

បានផុស

២ years មុន

នៅ

ថ្ងៃសុក្រ ២៩ កក្កដា ២០២២

ដោយ

តារាកំប្លែងស្ងួតដែលកន្លងមកតែងតែផ្តល់សំណើចសើចក្អាកក្អាយដល់ទស្សនិកជនគ្រប់វ័យ គឺលោកតា ស្លេក បន្ទាប់បាត់មុខសិល្បៈអស់មួយសន្ទុះធំពីក្រុមកំប្លែង ពេលនេះមានដំណឹងថា លោកតាបានឱកាសចូលលេងកំប្លែងវិញហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបាត់មុខកំប្លែងរបស់នាយ ស្លេក អំឡុងពេលចុងក្រោយនោះបានធ្វើឲ្យទស្សនិកជន និងអ្នកគាំទ្រជាច្រើនបង្ហាញក្តីនឹករលឹកដល់រូបគាត់គ្រប់គ្នា។ មិនតែប៉ុណ្ណោះ ក៏មានខ្លះទៀតតែងទន្ទឹងរង់ចាំវត្តមានរបស់តា ស្លេក ចូលលេងកំប្លែងកំដរអារម្មណ៍មហាជនជាថ្មីឡើងវិញផងដែរ។

បន្ទាប់ពីការទន្ទឹងរង់ចាំរបស់អ្នកគាំទ្រ ឥឡូវនេះស្រាប់តែមានដំណឹងថា តារាកំប្លែងជើងចាស់លោកតា ស្លេក បានឱកាសចូលថតសម្តែងឡើងវិញហើយ ជាមួយក្រុមកំប្លែងចាស់ៗរបស់ខ្លួន។ នេះបើតាមការឲ្យដឹងពីតារាកំប្លែងរួមក្រុម គឺនាយ ក្រូច ដែលបានប្រកាសឲ្យដឹង។

នៅលើទំព័រហ្វេសប៊ុករបស់តារាកំប្លែងនាយ ក្រូច កាលពីថ្ងៃទី ២៨ ខែកក្កដា ឆ្នាំ ២០២២ ម្សិលមិញ បានបង្ហោះរូបភាព ២ សន្លឹកបញ្ជាក់ទៅកាន់មហាជនថា តាស្លេកបានថតវិញហើយនៅអត់ទាន់សប្បាយចិត្តទៀត។ ដំណឹងនេះ បានធ្វើឲ្យអ្នកគាំទ្រជាច្រើនសម្តែងការអបអរចំពោះការវិលត្រឡប់តារាកំប្លែងជើងចាស់លោក តាស្លេក ក្រោយបាត់មុខមួយរយៈ៕

អត្ថបទ៖ ចាន់រ៉ា

Related Topics:តារាកំប្លែង