រដ្ឋអាជ្ញាអេស្ប៉ាញស្នើដាក់ទោស Shakira ឱ្យជាប់ពន្ធនាគារ ៨ឆ្នាំ

កាសែតអេស្ប៉ាញ El Pais បានរាយការណ៍ កាលពីថ្ងៃសុក្រ ទី២៩ ខែកក្កដា ថា ព្រះរាជអាជ្ញាអេស្ប៉ាញម្នាក់បានស្នើឱ្យដាក់ទោសតារាចម្រៀងសញ្ជាតិកូឡុំប៊ី Shakira ជាប់ពន្ធនាគារលើសពី ៨ឆ្នាំ nigពិន័យជាប្រាក់ជាង ២៣លានអឺរ៉ូ ( ជាង ២៣.៥លានដុល្លារ) ជុំវិញករណីក្លែងបន្លំពន្ធ ១៤.៥លានអឺរ៉ូ។

យ៉ាងណាមិញ មកទល់ពេលនេះ ទាំងការិយាល័យ​រដ្ឋអាជ្ញា និង​តំណាង​របស់ Shakira មិន​អាច​ទាក់ទងសុំការ​ធ្វើ​អត្ថាធិប្បាយ​បាននៅឡើយទេ។

គួររំលឹកថា នៅសប្តាហ៍មុន តារាប៉ុប Shakira បានច្រានចោលការផ្តល់ជូនដំណោះស្រាយពីការិយាល័យរដ្ឋអាជ្ញា ដើម្បីបិទសំណុំរឿងក្លែងបន្លំ ដែលនាងត្រូវបានចោទប្រកាន់ពីបទខកខានមិនបានបង់ពន្ធរវាងឆ្នាំ ២០១២ និង ២០១៤ ដែលវាជារយៈពេលដែលតារាស្រីរូបនេះអះអាងថាខ្លួនមិនបានរស់នៅក្នុងប្រទេសអេស្ប៉ាញឡើយ៕

ប្រែសម្រួល៖ សន្យា

ប្រភព៖ Asiaone

ចុចអាន៖ តារាចម្រៀង Shakira ពាក់ព័ន្ធសំណុំរឿងបន្លំពន្ធនៅប្រទេសអេស្ប៉ាញ

ចុចអាន៖ គ្រប់គ្នាមិនចង់ជឿ ពេលដឹងថា Britney Spears ទើបចូលបារជាលើកដំបូង