ជីវិតកម្សាន្ដ

Bella ឆ្លើយតបយ៉ាងត្រជាក់ចិត្តបំផុត ក្រោយម៉ែលីណាចោទថា នាងជាមនុស្សរមិលគុណ (មានវីដេអូ)

បានផុស

២ years មុន

នៅ

ថ្ងៃសុក្រ ៥ សីហា ២០២២

ដោយ

តារាសម្ដែងស្រី Bella ចេញមុខឆ្លើយតបនឹងម៉ែលីណាដែលចោទនាងថា ជាមនុស្សរមិលគុណ ខណៈរូបគាត់ខំធ្វើឲ្យតារាស្រីរូបនេះ ល្បីល្បាញខ្លាំងក្នុងរឿង “បុព្វេសន្និវាស” វគ្គ២ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ ម៉ែលីណាដែលត្រូវបានមហាជនក្នុងប្រទេសថៃស្គាល់ពីភាពល្បីល្បាញរបស់គាត់ បាននិយាយផាំងៗទៅកាន់ Bella ថា នាងជាមនុស្សរមិលគុណ ទាំងដែលរូបគាត់ខំចេញឃ្លិបនិយាយកាន់ជើងនិងសរសើរនាង ពេលកំពុងមានព័ត៌មានជាមួយអតីតសង្សារ Weir ហើយថែមទាំងធ្វើឲ្យកេរ្តិ៍ឈ្មោះនាងកាន់តែល្បី ខណៈរឿង “បុព្វេសន្និវាស”វគ្គ២ ក៏កំពុងតែរកចំណូលបានច្រើនថែមទៀត តែនាងបែរជាមិននឹកដល់គាត់ឬផ្ដល់តម្លៃសោះ ហើយសូម្បីតែអញ្ជើញសំបុត្រកុនមួយដល់រូបគាត់ក៏គ្មានផង។

ក្រោយរងពាក្យចោទប្រកាន់នេះពីម៉ែលីណា Bella ស្រាប់តែចេញមុខថ្លែងក្នុងបទសម្ភាសន៍ ទាំងទឹកមុខញញឹមថា “ចំពោះរឿងអ្នកម៉ែលីណា គឺខ្ញុំមិនដែលភ្លេចគុណនោះឡើយ ហើយខ្ញុំក៏អត់បានដឹងពីឃ្លិបដែលគាត់និយាយដែរ ប៉ុន្តែក៏សូមអរគុណដល់អ្នកម៉ែ ដែលបានផ្ដល់កម្លាំងចិត្តដល់ខ្ញុំ។ ខ្ញុំនឹងផ្ញើសំបុត្រកុនឲ្យម៉ែឆាប់ៗនេះ និងអរគុណម៉ែចំពោះពាក្យជូនពរឲ្យកូនក្លាយជាតារាស្រីពាន់លាន ស្រឡាញ់ម៉ែខ្លាំងណាស់ បើទោះមិនទាន់បានពាន់លាន កូនសុំត្រឹមឲ្យរឿងនេះរកបាន ៥០០ លានសិនក៏បានដែរម៉ែ។”

គួរបញ្ជាក់ថា Bella ហាក់រងនូវព្យុះជីវិតជាច្រើន ក្រោយបែកបាក់ចំណងស្នេហាជាមួយតារាប្រុស Weir បើទោះបីជាកំពុងទទួលបានការគាំទ្រខ្លាំង តាមរយៈរឿងថ្មី “បុព្វេសន្និវាស” វគ្គ២ តែរឿងអាស្រូវស្នេហារបស់នាង ក៏ហាក់មិនទាន់ស្ងប់ស្ងាត់នូវឡើយទេ៕

សូមទស្សនាវីដេអូខាងក្រោម៖

ប្រែសម្រូល៖ សាង ស្រីល័ក្ខ

ចុចអាន៖Bella ទម្លាយអារម្មណ៍ពិត ក្រោយសម្ដែងតួឯកក្នុងរឿង “បុព្វេសន្និវាស” វគ្គ ២

ចុចអាន៖អ្នកគាំទ្រសម្រុកអបអរ ក្រោយភរិយា Weir បង្ហោះរូបណែនាំសមាជិកថ្មីក្នុងគ្រួសារ