ជីវិតកម្សាន្ដ

Pope អរគុណទស្សនិកជន ក្រោយត្រឹម ១ សប្ដាហ៍ រឿង “បុព្វេសន្និវាស” វគ្គ២ កើនចំណូលរាប់លានដុល្លារ

បានផុស

៣ years មុន

នៅ

ថ្ងៃសុក្រ ៥ សីហា ២០២២

ដោយ

តួឯកប្រុសក្នុងរឿង “បុព្វេសន្និវាស” វគ្គ២ Pope បានប្រកាសអរគុណដល់ទស្សនិកជន ក្រោយភាពយន្តដែលខ្លួនសម្ដែង កើនចំណូលដល់ទៅ ២២០,៩៩លានបាត (៦លាន២០ម៉ឺនដុល្លារ) ត្រឹមរយៈពេលមួយសប្ដាហ៍ប៉ុណ្តោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្ដែងប្រុស Pope Thanawat បានសរសេរសារយ៉ាងវែងអន្លាយថា “ខ្ញុំសូមអរគុណអ្នកទស្សនាទាំងអស់ ទាំងជនជាតិថៃ និងជនបរទេសដែលចូលចិត្តភាពយន្តរឿង “បុព្វេសន្និវាស”។ រឿងនេះជារឿងមួយទៀតដែលខ្ញុំចូលចិត្ត ហើយខ្ញុំសប្បាយចិត្តជាខ្លាំង ក្នុងពេលសម្ដែងជាតួប្រុស និងសូមអរគុណដល់ក្រុមការងារទាំងអស់។ ទាំងខ្ញុំ Bella និងក្រុមការងារទាំងអស់ គឺជាក្រុមការងារដ៏គួររឲ្យស្រឡាញ់ សម្រាប់ខ្ញុំ Ping Ping ជាអ្នកដឹកនាំរឿង ដែលយកចិត្តទុកដាក់បំផុត។ គាត់បានពន្យល់ពីចរិតលក្ខណៈរបស់តួអង្គច្បាស់ៗ ហើយអនុញ្ញាតឲ្យយើងលេងជាតួអង្គនេះតាមសប្បាយ។ ជាពិសេសខ្ញុំពិតជារីករាយណាស់ ដែលភាពយន្តនេះចេញរយៈពេល៧ ថ្ងៃសោះ តែអាចរកចំណូលបាន ២២០,៩៩ លានបាតនៅទូទាំងប្រទេស។ ខ្ញុំសង្ឃឹមថាអ្នកទាំងអស់គ្នានឹងចូលចិត្ត និងរីករាយនឹងភាពយន្តនេះបន្តទៀត។”

គួរបញ្ចាក់ថា រឿងមនោសញ្ចេតនាបែបកំប្លែង “បុព្វេសន្និវាស” វគ្គ២ ដែលជាការបណ្តាក់ទុនរួមគ្នារវាង GDH និង ទូរទស្សន៍ថៃ Broadcast ដឹកនាំដោយ Ping Adisorn Trisirikasem។ លើសពីនេះ ភាពយន្តនេះនឹងចាក់បញ្ចាំងនៅប្រទេសជាច្រើនដូចជា ឡាវ អូស្ត្រាលី កម្ពុជា សិង្ហបុរី ឥណ្ឌូណេស៊ី ម៉ាឡេស៊ី ប្រ៊ុយណេ វៀតណាម ហើយជា ជាភាពយន្តថៃ ដែលរកចំណូលបានច្រើនជាងគេក្នុងប្រទេសឡាវផងដែរ។

ប្រែសម្រួល៖ សាង ស្រីល័ក្ខ

ចុចអាន៖បើកឆាកថ្ងៃដំបូង រឿង”បុព្វេសន្និវាស”វគ្គ ២ កើបលុយដល់ទៅខ្ទង់លានដុល្លារ

ចុចអាន៖Bella ឆ្លើយតបយ៉ាងត្រជាក់ចិត្តបំផុត ក្រោយម៉ែលីណាចោទថា នាងជាមនុស្សរមិលគុណ (មានវីដេអូ)