ទស្សនិកជនកូរ៉េថា Lisa ភ្លេចភាសាកំណើត តែនាងបដិសេធ

តារាចម្រៀង K-pop កញ្ញា Lalisa ជាតារាស្រីមានដើមកំណើតជាជនជាតិថៃ និងបានប្រឡូកក្នុងវិស័យតន្ត្រីកូរ៉េជិត ១០ឆ្នាំមកហើយ។ នាងជាសមាជិកក្រុម BLACKPINK មួយរូបដែលពូកែលើភាសា ដោយ​អាច​និយាយដល់ទៅ​ភាសា៤គឺ ​ថៃ កូរ៉េ អង់គ្លេស និង​ជប៉ុន។

ក្នុងនោះភាសាថៃ កូរ៉េ និងអង់គ្លេស Lisa ស្ទាត់ជំនាញជាងគេ ហើយនាងតែងតែទទួលបានការសរសើរលើជំនាញនិយាយភាសានាពេលកន្លងមក។ យ៉ាងណាមិញ នៅក្នុង​កម្មវិធីទូរទស្សន៍​មួយនាពេលថ្មីៗនេះ នាងបានបង្ក​ការ​ភ្ញាក់​ផ្អើលដល់ទស្សនិកជនយ៉ាងខ្លាំង ព្រោះនាង​​ភ្លេច​​​ភាសាថៃ ដែលជាភាសា​កំណើត​របស់​នាង។

រឿងនេះកើតឡើងនៅពេលដែលក្រុម BLACKPINK បានចូលរួមប្រកួតរាំរបស់ទូរទស្សន៍ JTBC ដែលរៀបចំដោយលោក Doni និងលោក Coni ។

ពេលនោះ ​ពេល​ដែលពិធីករស្រែកលេខសូន្យជាភាសាថៃ គ្មានសមាជិកណាម្នាក់ដឹងថាវាជាភាសាអ្វីទេ សូម្បី Lisa បែរច្រឡំថា វាជាពាក្យអង់គ្លេសទៅវិញ។ លុះពេលពិធីករសួរ Lisa ចំៗថា “តើអ្វីទៅជាលេខសូន្យក្នុងភាសាថៃ?” ទើបនាងយល់ន័យ ដឹង​កំហុស ហើយលុត​ជង្គង់​ទប់​សំណើច​តែម្ដង។

យ៉ាងណាមិញ ​កំហុសមួយនេះ Lisa មិនចាត់ទុកថានាងភ្លេចភាសាកំណើតរបស់ខ្លួននោះទេ វាគ្រាន់តែជាការភ័ន្តច្រឡំប៉ុណ្ណោះ៕

ប្រែសម្រួល៖ សន្យា

ចុចអាន៖ MV ថ្មីរបស់ Blackpink ចំណាយដើមទុនអស់កប់ក្ដោង