ជីវិតកម្សាន្ដ

ស្រាយពាក្យចចាមអារ៉ាម ថា Michael Jackson ស្លាប់ដោយសារប្រើផលិតផលធ្វើឲ្យស្បែក ស

បានផុស

៣ years មុន

នៅ

ថ្ងៃព្រហស្បតិ៍ ១៨ សីហា ២០២២

ដោយ

ស្ដេចចម្រៀងប៉ុបលោក Michael Jackson បានទទួលមរណភាពនៅថ្ងៃទី២៥ ខែមិថុនា ឆ្នាំ២០០៩ មកម្ល៉េះ ក្នុងអាយុ៥០ឆ្នាំ នៃគេហដ្ឋានរបស់លោកផ្ទាល់ ដែលស្ថិតនៅទីក្រុង Los Angeles រដ្ឋ California។ លោកត្រូវបានអ្នកគាំទ្រទទួលស្គាល់ថាជាបុរសមានចិត្តទូលាយ ស្រឡាញ់ក្មេងៗ ស្រឡាញ់អ្នកគាំទ្រ និងរួសរាយរាក់ទាក់មិនមានអំនួតទោះបីជាគាត់ល្បីខ្លាំងប៉ុណ្ណាក៏ដោយ។

តែការស្លាប់របស់ស្ដេចចម្រៀងប៉ុបរូបនេះ មានហេតុផលច្បាស់លាស់ណាស់ ប៉ុន្តែពាក្យចចាមអារ៉ាមមិនល្អនៅតែបន្តមានមកដល់បច្ចុប្បន្នក្នុងគោលបំណងមើលងាយលោក Michael និងបន្លាចអ្នកប្រើប្រាស់ផលិតផលធ្វើឲ្យស្បែកស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក្យចចាមអារ៉ាមទាំងនោះមានច្រើនសណ្ឋានណាស់ អ្នកខ្លះថាគាត់ស្លាប់ដោយសារបកស្បែក ខាត់ស្បែក អ្នកខ្លះទៀតថាមកពីលេបថ្នាំធ្វើឲ្យស្បែកសទើបគាំងបេះដូងស្លាប់ ចំណែកអ្នកខ្លះទៀតក៏ថាគាត់មានជំងឺមហារីកស្បែកដោយសារព្យាយាមធ្វើឲ្យស្បែកសទៅវិញ។ តាមពិតទៅលោក Michael Jackson ស្លាប់ដោយសារតែគាំងបេះដូងពីការពិសាថ្នាំផ្សំដ៏សាហាវនៃថ្នាំ Sedatives និង Propofol លើសកំណត់ យ៉ាងណាក្ដីលោកគ្រូពេទ្យ Conrad Murray ដែលជាវេជ្ជបណ្ឌិតផ្ទាល់ខ្លួនរបស់ Michael ត្រូវបានគេដាក់ទោសពីបទមនុស្សឃាតដោយអចេតនាក្នុងឆ្នាំ២០១១ទៅហើយ។ ក្រៅពីការស្លាប់ដោយសារប្រតិកម្មថ្នាំ លោក Michael Jackson កំពុងផ្ទុកនូវជម្ងឺកាចសាហាវផងដែរ ជំងឺទាំងនោះមានដូចជា ជំងឺលុយពីស (Lupus) និងជំងឺ Vitiligo ដែលមានលក្ខណៈស្រដៀងទៅនឹងជំងឺភ្លឺ ទើបធ្វើឲ្យស្បែករបស់គាត់ប្រែទៅជាស។

សូម្បីតែកាលលោក Micheal នៅមានជីវិតពាក្យចចាមអារ៉ាមខាងលើនេះក៏ធ្លាប់វាយប្រហារទៅលើគាត់ផ្ទាល់ដែរដោយចោទថាលោករើសអើងជាតិសាសន៍ខ្លួនឯង ទាំងមិនព្រមទទួលស្គាល់ការពិតពីជំងឺរបស់គាត់សោះ ទោះបីជាគាត់ខំបដិសេធ និងបញ្ជាក់នៅតាមទូរទស្សន៍យ៉ាងណាក៏ដោយ៕

អត្ថបទ៖ វារី

ចុចអាន៖ចម្រៀងមួយបទរបស់ Michael Jackson កាលពី ១០ ឆ្នាំមុន ដូចគ្នានឹងសង្គ្រាម រុស្ស៊ី-អ៊ុយក្រែន បច្ចុប្បន្ន (មានវីដេអូ)