ជីវិតកម្សាន្ដ

ផ្ទុះការចាប់អារម្មណ៍ខ្លាំង MV បទវៀតណាម បង្ហាញពីវប្បធម៌ សាសនា និងឧបករណ៍តន្ត្រីខ្មែរ

បានផុស

២ years មុន

នៅ

ថ្ងៃសុក្រ ១៩ សីហា ២០២២

ដោយ

បទចម្រៀងវៀតណាមមួយបទ មានចំណងជើងថា “Thương Lắm Oun Ơi” បកជាភាសាខ្មែរថា “ស្រឡាញ់ណាស់អូនអើយ” កំពុងតែផ្ទុះការចាប់អារម្មណ៍ខ្លាំង ពីសំណាក់អ្នកគាំទ្រកម្ពុជា។ ខណៈបានបង្ហាញពីវប្បធម៌ សាសនា និងឧបករណ៍តន្ត្រីខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទ “Thương Lắm Oun Ơi “” គឺជាតន្ត្រីថ្មីរបស់តារាចម្រៀងវ័យក្មេង Hoon និង G5R ដែលបានបំផុសគំនិតពីវប្បធម៌ខ្មែរ។ ដូច្នេះហើយ សាច់ភ្លេងរបស់បទចម្រៀងនឹងធ្វើឲ្យអ្នកស្តាប់មានអារម្មណ៍ថាធ្លាប់ស្គាល់ និងប្លែកខ្លាំង ដោយការរួមផ្សំជាមួយនឹងគំនិតទំនើបរបស់អ្នកតែងបទនេះដែរ។

ត្បិតថាបទនេះជាបទរបស់វៀតណាម ប៉ុន្តែនៅក្នុង MV មានរូបភាពជាច្រើនបង្ហាញពីស្ត្រីខ្មែរក្នុងសំលៀកបំពាក់អប្សរា និងឈុតដ៏អស្ចារ្យនៃវត្តមាសដ៏ភ្លឺចែងចាំង និងស្រស់ស្អាតខ្លាំង។ តាមរយៈនោះ ទស្សនិកជនពិតជាស្មានដឹងថា ប្រាកដជាបងប្អូនខ្មែរកម្ពុជាក្រោម និងបានឃើញពីបុគ្គលិកលក្ខណៈតន្ត្រីដ៏ពិសេសរបស់តារាចម្រៀងវ័យក្មេងរូបនេះ រួមទាំងការខិតខំផ្សព្វផ្សាយវប្បធម៌ប្រពៃណីខ្មែរ ឲ្យពិភពលោកបានដឹងផងដែរ។

គួរបញ្ជាក់ថា MV ផ្លូវការរបស់បទចម្រៀង “Thương Lắm Oun Ơi” ឬ “ស្រឡាញ់ណាស់អូនអើយ” ត្រូវបានចេញផ្សាយនៅលើ Youtube កាលពីជាង១ខែមុន ពោលគឺនៅថ្ងៃទី ១៤ ខែកក្កដា ឆ្នាំ២០២២។ យ៉ាងណាមិញ ភ្លាមៗនៅពេលដែល MV ផ្លូវការបានចេញផ្សាយ សន្ទុះនៃការគាំទ្រកាន់តែច្រើន និងពោលសរសើរថា សំឡេងរបស់តារាចម្រៀងរូបនេះប្លែក និងសក្ដិសមជាមួយរូបភាពមានការច្នៃប្រឌិតមិនធម្មតា។

ទន្ទឹមនោះដែរ អ្នកគាំទ្រកម្ពុជាជាច្រើនហាក់យល់ស្រប និងអរគុណដល់តារាចម្រៀងរូបនេះជាខ្លាំង ដែលបានខិតខំបង្ហាញនិងលើកស្ទួយវប្បធម៌ សាសនា និងឧបករណ៍តន្ត្រីខ្មែរក្នុងបទនេះ។ ងាកទៅអ្នកគាំទ្រវៀតណាមឯណោះវិញ ក៏បានបញ្ចេញមតិដូចគ្នាដែរថា គ្រប់បទបរទេសឬបទផ្សេងៗ ពុំសូវជាឃើញមានឧបករណ៍តន្ត្រីខ្មែរឡើយ តែបទនេះហាក់ប្លែកអារម្មណ៍ជាខ្លាំង សម្រាប់ពួកគេ៕

សូមទស្សនាបទចម្រៀងខាងក្រោម៖