ជីវិតកម្សាន្ដ

អ្នកគាំទ្រហាក់អាណិត ក្រោយឃើញឃ្លិបចុងក្រោយរបស់ Pinky ច្រៀងដូចនិយាយលា

បានផុស

២ years មុន

នៅ

ថ្ងៃសុក្រ ១៩ សីហា ២០២២

ដោយ

កាលពីប៉ុន្មានថ្ងៃមុន នៅលើបណ្ដាញសង្គម TikTok របស់តារាស្រី Pinky បានបង្ហោះវីដេអូឃ្លីបមួយស្រែកច្រៀងបង្ហាញពីភាពខ្លាំងនៃបទចម្រៀង “Recall” របស់ BOWKYLION ខណៈអ្នកគាំទ្ររបស់នាងនិយាយថា នេះជាការនិយាយលាទុកមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះដែរ នៅពេលដែលអ្នកគាំទ្របានឃើញនិងធ្លាប់ចូលមើលឃ្លិបនោះរួច ក៏នាំគ្នាចុច like រួមជាមួយនឹងការមតិជាច្រើន ម្នាក់ៗបានយល់ស្របថា Pinky ច្រៀងចម្រៀងនេះ មុនពេលតុលាការសម្រេចលើរឿងក្ដីរបស់នាង ដែលនេះហាក់ដូចជាបទចម្រៀងលាគ្នាចុងក្រោយ រវាងនាងនិងហ្វេនៗ។

គួរបញ្ជាក់ថា ឧស្សាហកម្មកម្សាន្តថៃហាក់មានការតក់ស្លុតយ៉ាងខ្លាំង ក្រោយទទួលដំណឹងថា តារាសម្ដែង Pinky និងម្ដាយជាប់ពាក់ព័ន្ធនៅក្នុងករណីធ្ងន់ធ្ងរក្នុងក្រុមហ៊ុន Forex-3D ពីបទបទក្លែងបន្លំ បោកបញ្ឆោតបញ្ចូលប្រព័ន្ធកុំព្យូទ័រនៃទិន្នន័យក្លែងក្លាយ ហើយថែមទាំងបង្កការខូចខាតដល់អតិថិជន។ អ្វីដែលសំខាន់ អ្នកវិនិយោគជាច្រើន បានដាក់ពាក្យបណ្ដឹង ដែលអះអាងថា ពួកគេត្រូវបានបោកប្រាស់ដោយក្រុមហ៊ុន Forex-3D។

ក្នុងនោះ ម្ដាយកូនរូបនេះក៏បានសុំអនុញ្ញាតនៅក្រៅឃុំ ប៉ុន្តែខាងតុលាការបានច្រានចោលសំណើនេះ ដោយលើកហេតុផលថា ប្រសិនបើមានការដោះលែងបណ្ដោះអាសន្ន នោះខ្លាចជនចុងចោទទាំងពីរនឹងរត់គេចខ្លួន៕

សូមទស្សនាវីដេអូខាងក្រោម៖

ប្រែសម្រួល៖ សាង ស្រីល័ក្ខ

ចុចអាន៖ប៉ូលិសថៃបញ្ជូនខ្លួន Pinky និងម្ដាយទៅពន្ធនាគារ ពាក់ព័ន្ធសំណុំរឿងបោកប្រាស់