ប្រជាប្រិយភាព Lisa ត្រូវគេយកទៅប្រៀបនឹងគំនូរ Mona Lisa

តារាចម្រៀងដើមកំណើតថៃ Lisa សមាជិកក្រុម BLACKPINK បានក្លាយជាតារាអាស៊ីដំបូងបំផុតក្នុងប្រវត្តិសាស្ត្រ ដែលបង្ហាញមុខគម្របទស្សនាវដ្តី V សម្រាប់រដូវស្លឹកឈើជ្រុះ ឆ្នាំ២០២២ ហើយភាពល្បីល្បាញរបស់នាង ត្រូវទស្សនាវដ្ដីនេះយកទៅប្រៀបប្រដូចនឹងគំនូរ Mona Lisa។

ក្រៅពីបង្ហាញមុខ Lisa លើក្របរបស់ខ្លួន ទស្សនាវដ្ដី V ក៏បានសរសេរអត្ថបទមួយដែលលើកយកពីប្រជាប្រិយភាពរបស់ Lisa ​ប្រៀបទៅនឹងរូបគំនូរ Mona Lisa របស់វិចិត្រករ  Leonardo da Vinci នាឆ្នាំ១៥១៧ ផងដែរ។

ទស្សនាវដ្ដី V បានរៀបរាប់ថា Mona Lisa គឺជាគំនូរព្រេងនិទានដែលមានមនុស្សចូលទៅទស្សនានៅឯសារមន្ទីរ ប៉ុន្តែចំពោះ Lisa នាងជាគំនូរពិតដែលទទួលបានអ្នកតាមដាននៅលើអ៊ីនធឺណិត។

បើនិយាយពីភាពល្បីល្បាញ Lisa ទាំងពីរមានប្រជាប្រជាប្រិយភាពប្រហាក់ប្រហែលគ្នា ព្រោះថាជារៀងរាល់ឆ្នាំ មនុស្សយ៉ាងហោច ១០.២លាននាក់ បានទៅទស្សនា Mona Lisa នៅក្នុងសារមន្ទីរ។ នៅក្នុងការប្រៀបធៀបមនុស្សប្រមាណ ៨០.២លាននាក់ បានមើលចូលរាល់សកម្មភាពរបស់ Lalisa Manobal នៅលើ Instagram ។ ថ្វីបើតួលេខនេះហាក់ល្អៀងគ្នាច្រើនបន្តិច ប៉ុន្តែបើគិតជាភាគរយ ពុំខុសគ្នាប៉ុន្មានទេ។

បន្ថែមពីលើនេះ ទស្សនាវដ្តី V ពិពណ៌នាថា Lisa មានភាពល្បីល្បាញជាសកល ជាពិសេសប៉ុន្មានឆ្នាំចុងក្រោយ មនុស្សរាប់លាននាក់បានស្វែងរកនាងនៅលើ Google ច្រើនបំផុត៕

ប្រែសម្រួល៖ សន្យា

ចុចអាន៖ ហ្វេនទំនងមិនទាន់ស្គាល់ នេះជាបងប្អូនបង្កើតរបស់សមាជិក BLACKPINK