BLACKPINK កំពុងថត MV ចម្រៀងថ្មីមួយទៀត ក្រោយទើបកើបលុយ ពីបទ “Pink Venom”

ផលិតកម្ម YG Entertainment បានទម្លាយនៅថ្ងៃពុធ ទី២៤ ខែសីហានេះថា សមាជិកក្រុម BLACKPINK ទាំងបួនរូបកំពុងតែថត MV បទចម្រៀងថ្មីមួយទៀតនៅឯខេត្ត Gyeonggi ត្រៀមចេញនាពេលខាងមុខនេះ ។

អ្នកតំណាងម្នាក់បាននិយាយថា “ខ្លឹមសារបទចម្រៀងនៅក្នុងអាល់ប៊ុមនេះ នឹងសរសេរពីប្រវត្តិសាស្ត្រថ្មីរបស់ BLACKPINK ជាពិសេសចំណងបទចម្រៀងនឹងធ្វើឲ្យអ្នកគាំទ្រទូទាំងពិភពលោកភ្ញាក់ផ្អើលខ្លាំងបំផុត ហើយ MV បទចម្រៀងនេះ ក៏បានផលិតឡើងជាមួយនឹងភាពថ្មីស្រឡាងដែលមិនធ្លាប់ឃើញពីមុនផងដែរ” ។

ទន្ទឹមនោះ ការប្រកាសត្រៀមចេញ MV ថ្មីរបស់ BLACKPINK កើតឡើងតែប៉ុន្មានថ្ងៃប៉ុណ្ណោះ បន្ទាប់ពីក្រុមតារាចម្រៀងស្រីមួយនេះ ទើបតែបានបញ្ចេញបទចម្រៀងថ្មីរបស់ពួលគេដែលមានចំណងជើងថា “Pink Venom” ។

គួរបញ្ចាក់ថា MV បទ “Pink Venom” កំពុងផ្ទុះការគាំទ្រខ្លាំងមែនទែន ជាពិសេសបានបំបែកកំណត់ត្រាការចូលទស្សនាច្រើនលើសលុបលើបណ្ដាញ YouTube ។ មិនតែប៉ុណ្ណោះ MV បទនេះ ថែមទាំងបានក្លាយជាបទចម្រៀងភាសាកូរ៉េដំបូងគេដែលជាប់ចំណាត់ថ្នាក់លេខ ១ នៅលើតារាងបទចម្រៀងកំពូលរបស់ក្រុមហ៊ុន Spotify ផងដែរ ៕

ប្រែសម្រួល ៖ នាងតូច

ចុចអាន៖មិនទាន់ដាក់លក់ផង អាល់ប៊ុមទី ២ របស់ Blackpink មានអ្នកកក់មុនលើស ១.៥ លានបន្លះទៅហើយ

ចុចអាន៖ទីក្រុងធំៗជុំវិញពិភពលោក រៀបចំ “Light Up the Pink” ដើម្បីស្វាគមន៍ក្រុម BLACKPINK