ជីវិតកម្សាន្ដ

សាយ ប្រកាសកម្មវិធីរត់សប្បុរសធម៌ ដើម្បីកុមារកម្ពុជាជាថ្មីម្ដងទៀត

បានផុស

២ years មុន

នៅ

ថ្ងៃពុធ ២៤ សីហា ២០២២

ដោយ

តារាចម្រៀងប្រុស Original Song លោក អួន បឋម ហៅសាយ បច្ចុប្បន្នត្រូវបានគេមើលឃើញថា លោកកាន់តែមានការគាំទ្រ និងមានប្រជាប្រិយភាពខ្លាំង តាមរយៈការងារសប្បុរសធម៌ជួយសង្គមនិងវិស័យសិល្បៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានៃសន្ទុះការគាំទ្រកាន់តែហក់ឡើងនេះដែរ លោក សាយ ក៏មិនដែលភ្លេចឡើយចំពោះការងារកៀរគររកថវិកា ដើម្បីជួយដល់កុមារនៅកម្ពុជា។ សកម្មភាពនេះ កំពុងទទួលបានការសរសើរពីមជ្ឈដ្ឋានមហាជនគ្រប់ទីកន្លែង។ កាន់តែចាប់អារម្មណ៍ទៀតនោះ សាយ បានបង្ហើបប្រាប់ឲ្យដឹងពីកម្មវិធីសប្បុរសធម៌ថ្មីទៀតដោយរត់ពីភ្នំពេញទៅសៀមរាបរយៈពេល ៩ ថ្ងៃ។

លោក សាយ បានប្រកាសដូច្នេះថា ជម្រាបសួរពុកម៉ែបងប្អូនទាំងអស់គ្នា ពួកយើងនឹងធ្វើកម្មវិធីសប្បុរសធម៌ដើម្បីកុមារកម្ពុជាម្ដងទៀតដែលខ្ញុំបាទ សាយ នឹងធ្វើការរត់ពីភ្នំពេញទៅសៀមរាបរយៈចម្ងាយប្រហែល ៣០៣ គីឡូម៉ែត្រ ដែលនឹងប្រើពេលប្រហែល ៩ ថ្ងៃ ដើម្បីធ្វើការរៃអង្គាសជួយដល់មន្ទីរពេទ្យកុមារអង្គរនៅខេត្តសៀមរាប។

លោកបញ្ជាក់ថា ដូច្នេះហើយពួកយើងសូមប្រកាសស្វែងរកម្ចាស់ជំនួយ ក៏ដូចជាអ្នកចូលរួមបរិច្ចាគសម្រាប់ព្រឹត្តិការណ៍មួយនេះ ដើម្បីដំណើរការទៅយ៉ាងរលូន និងប្រកបដោយមោទកភាព។យ៉ាងណាមិញ សាយ មិនទាន់ប្រាប់ពីពេលវេលាជាក់លាស់នៃការរត់នេះនៅឡើយទេ ខណៈមហាជនបានបង្ហាញការគាំទ្រចំពោះសកម្មភាពមនុស្សធម៌នេះ៕