ពេលនេះ Pinky គ្មានមេធាវីជួយការពារក្ដីទេ

នៅក្នុងកម្មវិធីទូរទស្សន៍មួយ ពិធីករ  Kachapha បានបញ្ជាក់ថា ការស្នើសុំនៅក្រៅឃុំរបស់ Pinky នៅតែមិនមានការយល់ព្រមពីតុលាការ ហើយពេលនេះរឿងកាន់តែធ្ងន់ទៀតនោះគឺ Pinky មិនទាន់មានមេធាវីជួយកាន់ក្ដីឱ្យនៅឡើយ។

នៅថ្ងៃទី២៤ ខែសីហានេះ ជាថ្ងៃទី ៦ ហើយដែល Pinky ត្រូវបានចាប់ខ្លួនបញ្ជូនចូលពន្ធនាគារ រួមជាមួយម្ដាយ និងប្អូនប្រុសរបស់នាង។ ដោយសារមនុស្សសំខាន់ៗនៅក្នុងផ្ទះសុទ្ធតែជាប់ក្នុងពន្ធនាគារទាំងអស់ ទាំងប្អូនប្រុស និងម្តាយ ដូច្នេះហើយពេលនាងចង់បានមេធាវីការពារក្ដី និងធានានៅក្រៅឃុំ ពុំមាននរណាជួយឡើយ។

គួរបញ្ជាក់ថា ​មនុស្ស ​១៩​នាក់​រួមទាំង Pinky ផង ត្រូវ​ឡើងតុលាការ​ដើម្បីបំភ្លឺក្ដីពាក់ព័ន្ធករណីឆបោប្រាក់ជាង ៥៣លានដុល្លារ ខណៈគេគ្រប់គ្នាសុទ្ធតែមានមេធាវីរៀងខ្លួន ខុសគេតែ Pinky មិនទាន់មេធាវីដូចគេ ហើយអាចនឹងគ្មានមេធាវីជួយនោះទេ ស្របពេលដែលបច្ចុប្បន្នតុលាការ​ព្រហ្មទណ្ឌ​នៅតែបន្ត​ដីកា​បដិសេធ​សំណើ​សុំ​នៅ​ក្រៅ​ឃុំដដែល៕

ប្រែសម្រួល៖ សន្យា

ចុចអាន៖ ក្រោយរងការរិះគន់បោះបង់ Pinky ពេលលំបាក Yardthip បង្ហោះសារបកស្រាយយ៉ាងវែងអន្លាយ

ចុចអាន៖ ប្រជាប្រិយភាព Lisa ត្រូវគេយកទៅប្រៀបនឹងគំនូរ Mona Lisa