ជីវិតកម្សាន្ដ

មហាហង្សចេញការបំភ្លឺក្រោយផ្ទុះការរិះគន់ឈុតតំណាងក្រុងពីរក្នុងកម្មវិធីMGC2022

បានផុស

២ years មុន

នៅ

ថ្ងៃព្រហស្បតិ៍ ២៥ សីហា ២០២២

ដោយ

ភ្នំពេញ ៖ បន្ទាប់ពីផ្ទុះការរិះគន់បាញ់ចាក់ស្រោចយ៉ាងចាស់ដៃពីសំណាក់ទស្សនិកជនខ្មែរគ្រប់មជ្ឈដ្ឋានជុំវិញការបង្ហាញឈុតល្បែងស៊ីសងរបស់បេក្ខនារី២រូបនៅក្នុងកម្មវិធីMiss Grand Cambodia 2022នោះពេលនេះអ្នកគ្រប់គ្រងកម្មវិធីនិងជាថៅ កែមហាហង្សគឺលោក អ៊ិន សុភិន បានចេញការបំ ភ្លឺហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈលិខិតបំភ្លឺរបស់ផលិតកម្មមហាហង្សដែលមានលោក អ៊ិន សុភិន ជាអគ្គនាយក និងគ្រប់គ្រងកម្មវិធីប្រឡងMiss Grand Cambodia 2022 បានបញ្ជាក់ថា ដោយមានការរិះគន់ និង ការមិនពេញចិត្តមកលើឈុតតំណាងក្រុងចំនួនពីរគឺក្រុងប៉ោយប៉ែតនិងក្រុងបាវិតជាច្រើនដោយហេតុនេះខាងផលិតកម្មមហាហង្សយើងទទួលយការរិះគន់ទាំង អស់របស់ប្រជាជនកម្ពុជាដែលមានការមិនពេញ ចិត្តទៅលើឈុតទាំងពីរក្រុងនេះ។

លិខិតដដែលបានបន្តថា ខាងផលិតកម្មបានសម្រេចចិត្តធ្វើការដកឈុតទាំងពីរនេះចេញពីការប្រកួតកម្មវិធីប្រកួតតំណាងជាតិ។ ក្នុងនោះក៏បានធ្វើការសុំទោសទៅកាន់មហាជនទាំងនៅក្នុងស្រុកនិងក្រៅប្រទេសហើយជាពិសេសអាជ្ញាធរព្រមទាំងប្រជាពលរដ្ឋដែលរស់នៅក្រុងប៉ោយប៉ែតខេត្តបន្ទាយមាន ជ័យនិងប្រជាពលរដ្ឋនៅក្រុងបាវិតខេត្តស្វាយរៀងផងដែរ៕

ដោយ ៖ ចាន់រ៉ា