មិត្តជិតស្និទ្ធ ទម្លាយស្ថានភាព Pinky នៅក្នុងពន្ធនាគារ

យោងតាម​ការចុះផ្សាយពីសារព័ត៌មានថៃ បានឱ្យដឹងថា បច្ចុប្បន្ន​ តារាស្រី Pinky Savika និងមនុស្ស ១៨នាក់ផ្សេងទៀត បាន​បញ្ជូន​ចូល​មន្ទីរឃុំឃាំងពេញលេញហើយ ដើម្បី​រង់ចាំ​សវនាការ​​នៅ​តុលាការ នាពេលឆាប់ៗខាងមុខ។ ក្នុងនោះដែរ ថ្វីត្បិតអ្នកទោសដទៃបានកាត់សក់អស់ហើយក្ដី ប៉ុន្តែបើតាមសម្ដីពីមិត្តជិតស្និទ្ធរបស់ Pinky ទម្លាយថា ពេលនេះនាងនៅមិនទាន់កាត់សក់ដូចអ្នកផ្សេងនៅឡើយ។

ថ្មីៗនេះ Kwang Fa Rung Thuat ដែលជាមិត្តជិតស្និទ្ធម្នាក់របស់ Pinky បានរឿបរាប់ពីស្ថានភាពរបស់នាង ក្រោយមិត្តសម្លាញ់រូបនេះបានទៅសួរសុខទុក្ខនៅក្នុងមន្ទីរឃុំឃាំង។ Kwang Fa Rung Thuat និយាយថា បន្ទាប់ពី Pinky ចេញពីកន្លែងចត្តាឡីស័ក នាងត្រូវបញ្ជូនទៅទៅពន្ធនាគារភ្លាមៗ។ ទោះយ៉ាងណា តារាស្រីរូបនេះមិនទាន់កាត់សក់នៅឡើយទេ នាងគ្រាន់តែ​ចង​សក់ឡើងប៉ុណ្ណោះ លើកលែងតែឡើងសវនាការ និងកាត់ទោសរួចរាល់ ទើបនាងកាត់សក់ដូចអ្នកទោសទូទៅ។

បន្ថែមពីលើនេះ Kwang Fa Rung Thuat បន្តថា ពេលនេះ Pinky នៅតែមិនទាន់រកបានមេធាវីជួយការពារក្ដី ចំណែកស្ថានភាពផ្លូវចិត្តរបស់នាងមិនល្អនោះទេ។ នាងរងសម្ពាធជាខ្លាំង និងកំពុងបាក់ទឹកចិត្តទៀតផង។ រីឯមិត្តភក្ដិនិងសាច់ញាតិ ក៏ពិបាកសុំចូលសួរសុខទុក្ខថែមទៀត៕

ប្រែសម្រួល៖ សន្យា

ចុចអាន៖ ប្រវត្តិខ្លះៗរបស់ Pinky មុនជួបរឿងក្ដី រហូតបញ្ជូនខ្លួនចូលមន្ទីរឃុំឃាំង