ជីវិតកម្សាន្ដ

សម្តេចតេជោ ហ៊ុន សែន ចូលរួមអបអរកំលោះតូច លីម តិចម៉េង ដែលឈ្នះពាន Cambodian Idol

បានផុស

២ years មុន

នៅ

ថ្ងៃចន្ទ ២៩ សីហា ២០២២

ដោយ

បន្ទាប់ពីឆ្លងកាត់ការប្រកួតយ៉ាងស្វិតស្វាញអស់រយៈពេល ៦ ខែកន្លងទៅនេះ ទីបំផុតកម្មវិធីប្រឡងចម្រៀងកម្រិតពិភពលោក«Cambodian Idol» រដូវកាលទី ៤ បានរកឃើញម្ចាស់ពានហើយ កាលពីរាត្រីថ្ងៃទី ២៨ ខែសីហា ឆ្នាំ ២០២២ គឺបានទៅលើបេក្ខជន លីម តិចម៉េង មកពីខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានៃដំណឹងដំណឹងដ៏រំភើបរីករាយនេះដែរភ្លាមៗនោះសម្តេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជាក៏បានចូលរួមអបអរសាទរចំពោះបេក្ខជន លីម តិចម៉េង ដែលក្លាយជាម្ចាស់ពានក្នុងកម្មវិធី «Cambodian Idol» រដូវកាលទី ៤ ផងដែរ។ យោងតាមរយៈទំព័រហ្វេសប៊ុកផ្លូវការរបស់សម្តេចតេជោ ហ៊ុន សែន បានសរសេរថា«សូមអបអរសារទរចៅលីម តិចម៉េង! ទីបំផុតជោគជ័យត្រូវបានទៅលើអ្នកឈ្នះ»។ នៅក្នុងនោះដែរចំពោះកម្មវិធីវគ្គផ្តាច់ព្រ័ត្រនេះដែរ សម្តេចតេជោ ហ៊ុន សែន ក៏បានឧបត្ថម្ភថវិកាដល់ TOP 4 ក្នុងម្នាក់ៗនូវទឹកប្រាក់ចំនួន ៦ លានរៀលផងដែរ។

នៅក្នុងវគ្គផ្តាច់ព្រ័ត្រនៃកម្មវិធីប្រឡងលំដាប់ថ្នាក់ពិភពលោកខាងលើនេះ គឺមានលោកជំទាវសង្គហប ណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងរដ្ឋសភា ព្រឹទ្ធសភា ជាគណៈអធិបតី និងផ្តល់កិត្តិយសដ៏ខ្ពង់ខ្ពស់អញ្ជើញឡើងផ្តល់ជូនពានដល់ម្ចាស់ជយលាភីលេខ ១ លីម តិចម៉េង ផងដែរ។

សូមបញ្ជាក់ថា បេក្ខជនដែលឆ្លងដល់វគ្គផ្តាច់ព្រ័ត្រនៅយប់ថ្ងៃទី ២៨ ខែសីហា ឆ្នាំ ២០២២ នេះ គឺមានចំនួន ៤ នាក់ រួមមាន៖ លីម តិចម៉េង, នាង ដាវីន, ថុល សុភិទិ និង ស៊ឹម ច័ន្ទពន្លឺ។ បន្ទាប់ពីការវាយតម្លៃរបស់គណៈកម្មការទាំង ៤ រូបគឺលោក ឆន សុវណ្ណរាជ, លោក ណុប បាយ៉ារិទ្ធ, ឱក សុគន្ធកញ្ញា និងសុខ សីឡាលីន និងគណៈកម្មការទី ៥ គឺការបោះ ឆ្នោតពីសំណាក់មហាជននៅទីបំផុតបេក្ខជនបានរកឃើញបេក្ខជនម្ចាស់ជយលាភី គឺបានទៅលើកំលោះតូច លីម តិចម៉េង៕