ជីវិតកម្សាន្ដ

តួសម្ដែងប្រុស-ស្រីក្នុងរឿង “បុព្វេសន្និវាស” ៣ គូ សុទ្ធតែប្រកាសចែកផ្លូវគ្នា

បានផុស

២ years មុន

នៅ

ថ្ងៃអង្គារ ៣០ សីហា ២០២២

ដោយ

តួសម្ដែងប្រុស-ស្រីក្នុងរឿង “បុព្វេសន្និវាស” ៣ គូនេះ ត្រូវបានមហាជនដឹងឮថា ពួកគេបានប្រកាសចែកផ្លូវគ្នា ជាមួយសង្សារបណ្ដូលចិត្តរៀងខ្លួន។ ខណៈគូស្នេហ៍ខ្លះឈានដល់ស្រលាញ់គ្នាជាង១០ឆ្នាំក៏មាន។

ដែលក្នុងនោះមានគូស្នេហ៍ ៣ គូ សុទ្ធតែជាតួឯកនិងតួសំខាន់ៗដូចជា ៖

១ Bella Ranee

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួឯកស្រីដែលមានឈ្មោះថានាង ការ៉ាកេត បានប្រកាសផ្ដាច់ទំនាក់ទំនងជាមួយតារាសម្ដែងប្រុស Weir Sukolwat បន្ទាប់ពីអ្នកទាំងពីរទាក់ទងគ្នាអស់រយៈពេល ៩ ឆ្នាំ។ យ៉ាងណាមិញ ស្នេហារបស់ពួកគេគឺបែកដោយសន្តិវិធី និងប្រកាសរៀងខ្លួនថា ពុំមានអ្នកទី៣ឡើយ។ ក្រោយមក Weir ក៏បានប្រកាសថា លោកនឹងរៀបអាពាហ៍ពិពាហ៍ជាមួយមិត្តស្រី Vicky ទៅវិញ។

២ Prang Kannarun

Prang Kannarun ដើរតួជានាងចាន់វ៉ាត ស្នេហារបស់នាងមិនបានប៉ុន្មានផង ក៏លេចឮដំណឹងថា បែកគ្នាជាមួយមិត្តប្រុសដែលជាតារារ៉េប Tong Twopee បន្ទាប់ពីមានទំនាក់ទំនងស្នេហាជាមួយគ្នាមក១០ឆ្នាំមកហើយ។ ក្រោយមកទើប Prang ចេញមុខមកទម្លាយថា ការពិតនាងនិងអតីតមិត្តប្រុសបានបែកគ្នាមកជាង២ខែ ហើយគ្រាន់តែមិនប្រកាសផ្លូវការ ហើយម្នាក់ៗទុកគ្នាត្រឹមជាមិត្តរាប់អាន និងមានអនុស្សាវរីយ៍ល្អៗជាមួយគ្នាប៉ុណ្ណោះ។

៣ Prama Imanotai

ងាកមកតួប្រុសឈ្មោះម៉ឺនរួយនេះវិញ ក៏ទើបតែប្រកាសបែកគ្នាជាមួយសង្សារជនជាតិជប៉ុន Falcon ដូចគ្នា។យ៉ាងណាមិញ ការបែកគ្នាក៏ភាគីសងខាងមិនបានលម្អិត ឬបង្ហាញជាសាធារណៈដែរ។

ទន្ទឹមគ្នានេះដែរ មហាជនដែលជាអ្នកគាំទ្រពួកគេបានសន្និដ្ឋានដូចៗគ្នាថា ម៉េចក៏ពួកគេបែកបាក់ស្នេហាជួនគ្នាល្អម្ល៉េះក្រោយសម្ដែងក្នុងរឿង “បុព្វេសន្និវាស” រួចមក។ ដោយឡែក សម្រាប់ហ្វេនៗខ្លះក៏បញ្ចេញមតិដែរថា មកពីរស់នៅមិនចុះសម្រុងគ្នា ទើបបែកគ្នាជារឿងធម្មតាទៅហើយ។ មិនមែនមកពីសម្ដែងរឿងភាគបុរាណនេះទេ៕

អត្ថបទ៖ សាង ស្រីល័ក្ខ

ចុចអាន៖តារាស្រី ៦ រូប ធ្លាប់ធ្វើឲ្យមហាជនញាប់ញ័របេះដូង ក្រោយបង្អួតក្បាលពោះដ៏សិចស៊ី

ចុចអាន៖មិត្តជិតស្និទ្ធ Pinky បដិសេធថា ស្វាមីនាងមិនស្គាល់នាយកប្រតិបត្តិ Forex3D ឡើយ