Kylie Jenner សម្រក់ទឹកភ្នែក ៣ សប្ដាហ៍ ក្រោយសម្រាលកូនប្រុសទី ២

Kylie Jenner បានបើកចំហអំពីបទពិសោធន៍ និងការសម្រក់ទឹកភ្នែកឥតឈប់ឈរជាច្រើនសប្ដាហ៍ បន្ទាប់ពីផ្ដល់កំណើតឲ្យកូនប្រុសទី ២ របស់នាងជាមួយមិត្តប្រុស Travis Scott ។

នៅក្នុងឈុតខ្លីៗនៃកម្មវិធី The Kardashians រដូវកាលទី ២ ស្ថាបនិកក្រុមហ៊ុន Kylie Cosmetics រូបនេះបាននិយាយទៅកាន់បងស្រី Kendall Jenner ថា “នៅពេលនេះខ្ញុំគួរតែមានអារម្មណ៍សប្បាយចិត្ត បន្ទាប់ពីខ្ញុំយំឥតល្ហែអស់រយៈពេល ៣ សប្តាហ៍ ក្រោយពេលសម្រាលបានកូនប្រុសទីពីរ” ។

នាងបានបន្ថែមទៀតថា “វាជារឿងសំខាន់ដែលត្រូវតែនិយាយដោយត្រង់ៗអំពីអារម្មណ៍របស់ខ្ញុំ ព្រោះខ្ញុំមិនចង់ឲ្យអ្នកម្តាយផ្សេងៗទៀតបាក់ទឹកចិត្ត ឬធ្វើឲ្យពួកគេមានអារម្មណ៍ថា “រងសម្ពាធ” ចំពោះការពពោះរបស់ពួកគេឡើយ ដោយសារតែអ្នកម្ដាយផ្សេងទៀតក៏នឹងឆ្លងកាត់រឿងមួយនេះដូចគ្នា ជាពិសេសបញ្ហសុខភាពផ្លូវកាយ និងផ្លូវចិត្ត” ។

យ៉ាងណាមិញនាពេលថ្មីៗនេះ Kylie ក៏បានបង្ហោះរូបភាព Selfie នៅកន្លែងហាត់ប្រាណផងដែរ ក្រោយពេលសម្រាលកូនបាន ៤ ខែ ជាមួយនឹងខេបសិនថា “ពេលនេះខ្ញុំបានដោះស្រាយបញ្ហាការឈឺខ្នង និងជង្គង់បានច្រើន ហើយការហាត់ប្រាណនៅពេលនេះបានធ្វើឲ្យសុខភាពរបស់ខ្ញុំរឹងមាំម្តងទៀត” ៕

ប្រែសម្រួលដោយ ៖ នាងតូច

ចុចអាន៖Kylie Jenner រងការរិះគន់ចាស់ដៃ ក្រោយជួបអ្នកគាំទ្រ

ចុចអាន៖Taylor Swift ប្រកាសចេញអាល់ប៊ុមថ្មី ក្រោយទើបកាន់ពានរង្វាន់ VMAs