ហ្វេនលួចច្រណែន ពេលឃើញ Mai Davika និងគូស្នេហ៍ ផ្អែមល្ហែមជាមួយគ្នាដល់ម្ល៉ឹង

ទាក់ទងគ្នាជាង ៤ឆ្នាំ តារាស្រី Mai Davika Horne និងមិត្តប្រុស Ter-Chantwitch Thanasewi ​កាន់តែបង្ហាញភាពស្និទ្ធស្នាល និងផ្អែមល្ហែមជាមួយគ្នាទ្វេដង ធ្វើឱ្យអ្នកគាំទ្រលួចច្រណែនសឹងគ្រប់គ្នា។

ថ្មីៗនេះ គូស្នេហ៍ Mai-Ter បានបង្ហោះរូបភាពប៉ុន្មានសន្លឹក ជារូបថតដែលពួកគេកំពុងធ្វើការជាមួយគ្នា នៅលើបណ្ដាញសង្គមផ្ទាល់ខ្លួន អមជាមួយសំណេរយ៉ាងកក់ក្ដៅ​។ ក្រោយពេលហ្វេនអានហើយ ពួកគេសុទ្ធតែរំភើបចិត្ត។

នៅលើរូបថតទាំងនោះ Mai Davika បានសរសេរ Caption យ៉ាងផ្អែមថា “ខ្ញុំ​ពិត​ជា​ចូល​ចិត្ត​ធ្វើ​ការ​ជាមួយ​បុរស​នេះណាស់” ។ ភ្លាមៗ សង្សារបណ្ដូលចិត្តរបស់នាងបានចូលទៅខមមិនតបវិញយ៉ាងរ៉ូមែនទិកថា «ធ្វើ​ការងារ​ដែល​យើង​ស្រឡាញ់ ​ជាមួយ​មនុស្ស​ដែល​យើង​ស្រឡាញ់» ។  

មិនត្រឹមតែប៉ុណ្ណោះបណ្ដាអ្នកគាំទ្រ នាំគ្នាចូលទៅបញ្ចេញមតិចំអន់ឱ្យគូស្នេហ៍មួយគូនេះយ៉ាងច្រើន មិនថាពួកគេស្រឡាញ់គ្នាច្រើនឆ្នាំហើយក្ដី ពួកគេនៅតែផ្អែមល្ហែមដូចគ្រាដំបូង៕

ប្រែសម្រួល៖ សន្យា

ចុចអាន៖ មកដល់ទឹកដីកម្ពុជាភ្លាម Jannine បង្ហោះរូបសិចស៊ីនៅអាងទឹក បង្អួតហ្វេនឲ្យញាប់ញ័រ