សក់ខំទុករាប់ឆ្នាំ ពេលនេះតួឯកប្រុស Aquaman សុខចិត្តកាត់ចោល ដើម្បីការងារបរិស្ថាន

តួឯកប្រុសរឿង Aquaman លោក Jason Momoa សុខចិត្តកាត់សក់​វែង​ ដែលខំសន្សំទុកមករាប់ឆ្នាំ ដើម្បីផ្សព្វផ្សាយ​ការ​យល់​ដឹង​អំពី​វិបត្តិនៃការប្រើប្រាស់​ប្លាស្ទិក ធ្វើឱ្យមហាជនសម្ដែងការគាំទ្រយ៉ាងពេញទំហឹង។

តាមរយៈឃ្លីបវីដេអូលើ Instagram ដែលទើបបង្ហោះថ្មីៗនេះ តារាសម្តែង Jason Momoa បានកាត់សក់ដ៏វែងរបស់ខ្លួនចោលអស់ មិនស្ដាយស្រណោះ ព្រោះតែលោកចង់ជំរុញឱ្យមហាជនគ្រប់គ្នាបញ្ឈប់ការប្រើប្រាស់ប្លាស្ទិកគ្រប់ប្រភេទទាំងអស់ ដើម្បីការពារបរិស្ថានធម្មជាតិ និងសមុទ្រ។

នៅក្នុងវីដេអូខ្លី តារាវ័យ ៤៣ឆ្នាំរូបនេះ បានលើកទឹកចិត្តគ្រប់គ្នាឱ្យ​​ឈប់​ប្រើ​​ប្លា​ស្ទិ​ក​គ្រប់ភេទដូចជា ដបផ្លាស្ទិក ថង់ផ្លាស្ទិក ការវេចខ្ចប់ប្លាស្ទិក ប្រដាប់ប្រដាប្រើប្រាស់ដែលជាប្លាស្ទិកជាដើម។ មិនតែប៉ុណ្ណោះ លោកបានលើកទឹកចិត្តឱ្យមនុស្សចាប់ផ្តើមប្រើដបទឹកដែលអាចប្រើឡើងវិញបាន ជំនួសឱ្យដបប្លាស្ទិកដែលកំពុងពេញនិយម នាពេលច្ចុប្បន្ន។

ក្រោយវីដេអូបានបង្ហោះចេញ ហ្វេនៗនាំគ្នាចុច Like និងបញ្ចេញ​មតិ​​គាំទ្រយ៉ាងច្រើន ហើយពួកគេពិតជារីករាយណាស់ដែល Jason ចូលរួមសកម្មភាពបរិស្ថានយ៉ាងសស្រាក់សស្រាំបែបនេះ៕

ប្រែសម្រួល៖ សន្យា

ចុចអាន៖ អ្នកគាំទ្រស្រឡាំងកាំង ក្រោយឃើញ Harry Styles ថើបមាត់គ្នាជាមួយ Nick Kroll