ជីវិតកម្សាន្ដ

Kwan ចេញមកបញ្ជាក់ការពិត រឿងឲ្យអ្នកមើលថែទាំឆ្កែ ហូបបាយចានតែមួយ (មានវីដេអូ)

បានផុស

២ years មុន

នៅ

ថ្ងៃព្រហស្បតិ៍ ៨ កញ្ញា ២០២២

ដោយ

ក្រោយផ្ទុះរឿងអាស្រូវ Kwan ចេញមកបញ្ជាក់ការពិតភ្លាមៗ នៅពេលដែលគេសង្ស័យថា នាងជាតារាស្រីដែលបានប្រើឈ្នួលមើលឆ្កែហួសហេតុពេក រហូតឲ្យគ្នាហូបបាយចានជាមួយនឹងឆ្កែថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ ឈ្នួលផ្ទះនោះបានទម្លាយទៀតថា នាងដេកបានតែ១ម៉ោង ត្រូវហូបបាយជាមួយសត្វឆ្កែ និងសុំឈប់ក៏តារាស្រីរូបនោះ មិនឲ្យឈប់ទៀត។ បើទោះបីជាឈ្នួលផ្ទះនោះមិនបង្ហើបថា តើជាតារាស្រីរូបណា តែមហាជនគ្រប់គ្នាកំពុងតែសង្ស័យថា អាចជា Kwan Usamanee នេះហើយ។

យ៉ាងណាមិញ តារាស្រីវ័យ៣៤ឆ្នាំរូបនេះ មិននៅស្ងៀមឡើយ នាងបានចេញមុខមកនិយាយនិងទម្លាយថា ខ្លួនមិនបានឲ្យឈ្នួលផ្ទះហូបបាយជាមួយសត្វឆ្កែ ឬដេកតែមួយម៉ោងនោះទេ។ ហើយតាមរយៈឃ្លីបដែលបង្ហាញឡើង អាចមើលឃើញថា នៅវេលាម៉ោង ៨ និង៤០នាទីយប់ ភ្លើងនៅក្នុងផ្ទះត្រូវបានបិទទាំងអស់ រួមទាំងបន្ទប់ដេករបស់ឆ្កែ ហើយឆ្កែទាំងអស់ ក៏កំពុងដេកលក់។ បន្ទាប់មកប្រហែលម៉ោង ១១យប់ ស្ត្រីឈ្នួលផ្ទះក៏បានក្រោកឡើង រួចចូលផ្ទះបាយ ហើយក៏បានដេកនៅក្នុងបន្ទប់បរិភោគអាហារ រហូតដល់ឃ្លីបនេះចប់ប្រហែលម៉ោង៣ទៀបភ្លឺ តែឈ្នួលផ្ទះនោះ នៅតែដេកដដែល។

បន្ថែមពីលើនេះ នាងក៏បញ្ចាក់ទៀតថា ឆ្កែ Kwan មួយក្បាលមានសភាពចាស់ជាងគេ មិនអាចដើរឬឈរហូបបានទេនិងត្រូវបានបញ្ជូនទៅមន្ទីរពេទ្យ ហើយគ្រូពេទ្យមិនអាចពិនិត្យបានទេ។ ដោយសារតែនៅក្នុងខ្លួនរបស់សត្វឆ្កែ មិនមានទឹក មិនអាចធ្វើតេស្តឈាមបាន។ ហើយឈ្នួលដែលមើលថែឆ្កែ ក៏មិនបានយកទៅពេទ្យដែរ។ ប៉ុន្តែគាត់មក ហើយស្ទើរតែសម្លាប់ឆ្កែរបស់យើងទៅហើយ៕

សុំទស្សនាវីដេអូខាងក្រោម៖

ប្រែសម្រួល៖ សាង ស្រីល័ក្ខ

ចុចអាន៖មហាជនចាប់អារម្មណ៍ ក្រោយឃើញឈុតសំយេះត្រគាក និងដើមទ្រូងរបស់ Mai Davika