ប្រភពមួយទម្លាយប្រាក់ខែ ដែល Kwan ផ្ដល់ឱ្យកូនឈ្នួលមើលថែឆ្កែរបស់នាង

ប្រភពមិនបញ្ចេញឈ្មោះ បានទម្លាយថា កូនឈ្នួលរបស់តារាស្រី Kwan Usamanee បានទទួលប្រាក់ខែប្រមាណ ១៤៥,០០០បាត សម្រាប់ការងារជាមេផ្ទះ និងការមើលថែឆ្កែមួយក្បាលរបស់តារាសម្ដែងរូបនេះ។

បន្ទាប់ពីផ្ទុះរឿងអាស្រូវ រឿង​ប្រើមេផ្ទះ​គ្មានពេលសម្រាក រហូតឲ្យគ្នាហូបបាយចានជាមួយនឹងឆ្កែ តារាសម្ដែង Kwan បានចេញមុខច្រានចោលភ្លាមៗ ព្រមទាំងបង្ហាញភស្តុតាងវីដេអូពី CCTV ដើម្បីបញ្ចប់មន្ទិលរបស់សាធារណជន។

ដោយឡែក ម្ដាយរបស់តារាស្រីវ័យ ៣៤ឆ្នាំរូបនេះ ក៏បានបង្ហាញមុខលើកញ្ចក់ទូរទស្សន៍ ដើម្បីជួយការពារកូនស្រី ដោយអ្នកស្រី Aew Pranee លើកឡើង​ថា គ្មាននរណាយកបាយឆ្កែឱ្យមនុស្សហូបទេ ​គាត់ស្រមៃមិនចេញឡើយ មានតែមនុស្សរោគចិត្តប៉ុណ្ណោះដែលហ៊ានធ្វើបែបនេះ។​

ជាមួយគ្នាដែរ ស្របពេលរឿងរ៉ាវកំពុងតែផ្ទុះការវែកញ៉ែកយ៉ាងខ្លាំងនៅលើបណ្តាញសង្គម ប្រភពមួយបានឱ្យដឹងថា តម្លៃឈ្នួលដែល Kwan ផ្តល់ឱ្យមេផ្ទះនោះ ក្នុងមួយខែប្រមាណជាង ១៤៥,០០០បាត (ប្រហែល ៤០០ដុល្លារអាមេរិក)។ មិនតែប៉ុណ្ណោះ កូនឈ្នួលនោះក៏ទទួលបានប្រាក់លើកទឹកចិត្តបន្ថែមទៀតផងដែរ៕

ប្រែសម្រួល៖ សន្យា

ចុចអាន៖ Kwan ចេញមកបញ្ជាក់ការពិត រឿងឲ្យអ្នកមើលថែទាំឆ្កែ ហូបបាយចានតែមួយ (មានវីដេអូ)

ចុចអាន៖ ម្ចាស់ជយលាភីលំដាប់រងទី១ បវរកញ្ញាចក្រវាលថៃ ២០២២ ត្រូវមិត្តប្រុសសុំរៀបការយ៉ាងរ៉ូមែនទិក