អ្នកលេងអ៊ីនធឺណិតបើកភ្នែកធំៗ ក្រោយឃើញអាផាតមិនប្រណីតរបស់ Rosé

ជីវិតក្រៅឆាករបស់តារាស្រី Rosé សមាជិក​ក្រុម BLACKPINK ពិតជាប្រណីតខ្លាំង មិនថាសម្លៀកបំពាក់ សម្ភារប្រើប្រាស់ រួមតាំងអាផាតមិនរបស់នាង តម្លៃដល់ទៅខ្ទង់លានដុល្លារ មហាជនឃើញហើយបើកធំៗ ស្ញប់ស្ញែងសឹងគ្រប់គ្នា។

ប៉ុន្មានឆ្នាំមកនេះ ក្រោយសាងមានភាពល្បីល្បាញតាមរយៈការខិតខំប្រឹងប្រែង និងការស្រឡាញ់គាំទ្រពីសំណាក់ហ្វេនៗ Rosé ទទួលបានភាពជោគជ័យយ៉ាងខ្លាំងទាំងកេរ្តិ៍ឈ្មោះ និងទ្រព្យសម្បត្តិ។ ជាពិសេសៗ ថ្មីៗនេះការបើកបង្ហាញអាផាតមិនរបស់នាងបានក្លាយជាប្រធានបទក្តៅពេញអ៊ីនធឺណិត ក្រោយពេលនាងបង្ហោះរូបនៅលើគណនី Instagram ផ្ទាល់ខ្លួន។

តាមរយៈរូបថតជាច្រើនសន្លឹក អ្នកនិយមលេងអ៊ីនធឺណិតប្រទះឃើញអាផាតមិនរបស់ Rosé ពិតជាប្រណីតមិនធម្មតា សូម្បីតែគ្រឿងសង្ហារិម ក៏ទំនងថ្លៃៗណាស់ដែរ។ ជាមួយគ្នានេះ ប្រភពពី Koreaboo បានទម្លាយថា តម្លៃរបស់អាផាតមិនមួយនេះថ្លៃប្រមាណជា ៦.៨លានដុល្លារឯណោះ ដែល Rosé បានទិញ ក្រោមឈ្មោះឪពុកម្តាយរបស់នាង។ ទោះយ៉ាងណា ផ្ទះមួយល្វែងនេះ Rosé មិនបានសូវស្នាក់នៅញឹកញាប់នោះទេ ប៉ុន្តែនាងចំណាយប្រាក់ថែទាំប្រហែល ៩០០ដុល្លារក្នុងមួយខែ៕

ប្រែសម្រួល៖ សន្យា

ចុចអាន៖ Rose សមាជិកក្រុម BLACKPINK នៅតែរក្សាតំណែងកំពូលលើតារាង Billboard

ចុចអាន៖ កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង