ជីវិតកម្សាន្ដ

បើកកកាយសម្រស់បច្ចុប្បន្ន តួឯកស្រីក្នុងរឿង “នាងតូចចង្កៀងកែវ” ទាំង ៦ ដួង

បានផុស

៣ years មុន

នៅ

ថ្ងៃសៅរ៍ ១៧ កញ្ញា ២០២២

ដោយ

គេនៅចាំបានថា “នាងតូចចង្កៀងកែវ” ចេញផ្សាយលើកដំបូងក្នុងឆ្នាំ២០០២ ហើយធ្លាប់បានអង្រួនបេះដូងទស្សនិកជនជំនាន់នោះ ឲ្យនិយមតាមដានសឹងតែគ្រប់វគ្គ។

ត្បិតថារឿងនេះមានរយៈកាលយូរក្ដី តែយ៉ាងណា បើរាប់តួសម្ដែងមេធ្មប់តូចដែលបង្កប់មន្តស្នេហ៍ គឺមានរហូតដល់ទៅ ៦នាក់ ចាំមើលថា អតីតមេធ្មប់ស្រីតូចចង្កៀងកែវ មានរូបរាងយ៉ាងណាខ្លះទៅហើយនាបច្ចុប្បន្ននេះ?

១ Katreeya English

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Katrina English ជាតួឯកស្រីតូចចង្កៀងកែដើរតួដំបូងគេក្នុងឆ្នាំ ២០០២ និងមានឈ្មោះJenny។ យ៉ាងណាមិញសាច់រឿងមេធ្មប់តូចមួយនេះ បានធ្វើឲ្យមនុស្សស្រីក្នុងសម័យនោះចង់ក្លាយជាមេធ្មប់ដូចតួឯកស្រី រហូតមានអ្នកខ្លះបានតែងកាយតាមលំនាំផងដែរ។

២ Pu Praya និង Kwan Usamanee

រឿង នាងតូចចង្កៀងកែវ វគ្គទី២នេះ មានមេធ្មប់ដល់ទៅគឺ Honey សម្តែងដោយ Pu Praya និង Sanya សម្តែងដោយ Kwan Usamanee ចេញក្នុងឆ្នាំ ២០០៤ ។ មិនខុសគ្នាគ្នាប៉ុន្មានឡើយ ក្នុងវគ្គ២នេះក៏ជោគជ័យដូចកាលពីវគ្គ១ដែរ ខណៈមនុស្សគ្រប់គ្នាតាមដានសឹងដាច់បាយដាច់ទឹក ដោយសារតែសុទ្ធតែជាតួស្រីដែលទស្សនិកជនចូលចិត្ត។

៣ Baifern Pimchanok និង Anyarin Terathananpa

តួឯកស្រីក្នុងរឿងនាងតូចចង្កៀងកែវវគ្គទី៣នេះ ឈ្មោះ Nanny សម្ដែងដោយដោយ Baifern Pimchanok និងម្នាក់ទៀត Daraka សម្ដែងដោយ Anyarin Terathananpa។ ត្រូវបានចេញផ្សាយក្នុងឆ្នាំ ២០១២ គិតមកដល់ពេលនេះមានរយៈពេល១០ ឆ្នាំ ហើយនៅតែទទួលបានជោគជ័យដូចវគ្គមុនៗដូចគ្នា។

៤ Pim Pimprapha

មកដល់វគ្គទី ៤ អាចថាប្លែកពីវគ្គមុនៗ ដោយសារចំណងជើងសាច់រឿងមេធ្មប់តូចបានប្រែជា Por mod jao sanae ចេញផ្សាយនៅឆ្នាំ២០១៨។ តួឯកក្នុងរឿងនេះឈ្មោះ Nissara សម្តែងដោយ Pim Pimprapha បើទោះជាក្នុងវគ្គនេះ តួឯកស្រីមិនមែនជាមេធ្មប់ដូចតួស្រីមុនៗក្ដី។ ប៉ុន្តែវីរនារីរូបនេះ បានកើតក្នុងគ្រួសារអ្នកប្រមាញ់មេធ្មប់ដូចគ្នា ហើយក៏ចាត់ទុកថានឹងបើកសាច់រឿងថ្មីឲ្យកាន់ប្លែកភ្នែកអ្នកទស្សនា ក្នុងសម័យឆ្នាំ២០១៨ផងដែរ។

យ៉ាងណាមិញ ទស្សនិកជនដែលធ្លាប់និយមទស្សនារឿងនាងតូចចង្កៀងកែវ តាំងពីវគ្គទី១ រហូតដល់វគ្គ៤ ប្រាកដជារង់ចាំតាមដានវគ្គថ្មី ថាតើតារាសម្ដែងស្រីរូបណា នឹងដើរជានាងតូចក្នុងចង្កៀងបន្ត៕

ប្រែសម្រួល៖ សាង ស្រីល័ក្ខ

ចុចអាន៖ខ្ញីចាស់កាន់តែហិល! Janie ដាក់មួយឈុតទៀត ស្រើបស្រាលលើសមុន

ចុចអាន៖Kwan បង្ហើបពីចរិតលក្ខណៈបុរសដែលចង់រៀបការ និងសាងគ្រួសារជាមួយគ្នា