ជីវិតកម្សាន្ដ

ស្រលាញ់គ្នា ៨ ឆ្នាំហើយ មិត្តស្រី Mario ទម្លាយរឿងមួយប្រាប់មហាជន

បានផុស

២ years មុន

នៅ

ថ្ងៃសុក្រ ១៦ កញ្ញា ២០២២

ដោយ

មិត្តស្រី Mario Maurer គឺតារាសម្ដែង-ម៉ូដែល Janjira Chanpitakchai បានទម្លាយរឿងមួយប្រាប់ដល់មហាជនថា នាង និងមិត្តប្រុសមិនទាន់គិតគូរឿងមានកូនឡើយ ខណៈគូស្នេហ៍នេះ ស្រលាញ់គ្នាមក៨ឆ្នាំហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្ដែងស្រី Janjira បានបើកបង្ហាញដោយឆ្លើយប្រាប់អ្នកសារព័ត៌មានពីរឿងអ្នកស្នងមរតកថា នាងមិនទាន់គិតពីរឿងនេះទេ វាជាបញ្ហានៃអនាគត “ខ្ញុំនៅតែមិនគិតពីកូនទេ ដូច្នេះខ្ញុំនៅតែមិនចង់ នៅមានកិច្ចការជាច្រើនដែលត្រូវធ្វើ ហើយខ្ញុំចង់ធ្វើបន្ថែមទៀតនៅទីនេះ យើងទាំងពីរនៅតែមានកិច្ចការច្រើនដែលត្រូវធ្វើ និងមានទំនួលខុសត្រូវច្រើន។ យើងចង់ជោគជ័យផ្នែកហិរញ្ញវត្ថុ ហើយមើលថែគ្រួសារយើងឲ្យច្រើនជាងមុន។”

គួរបញ្ជាក់ដែរថា Mario Maurer និងមិត្តស្រី គឺជាគូស្នេហ៍មួយគូទៀតដែលមានទំនាក់ទំនងជាយូរមកហើយ និងល្បីថា ស្រឡាញ់គ្នាចាក់ទឹកមិនលេចថែមទៀត។ ត្បិតថាទំនាក់ទំនងនេះ មិនសូវជាបើកចំហ និងត្រូវបានមនុស្សមួយចំនួនមិនសូវពេញចិត្តក្ដី តែអ្នកទាំងពីរមិនដែលខ្វល់ខ្វាយឡើយ មានតែខំប្រឹងបន្តរក្សាឲ្យកាន់តែរឹងមាំលើសមុនទៀត៕