ជីវិតកម្សាន្ដ

ប៊ុត សីហា ប្រាប់មូលហេតុនៃការពន្យារពេល ឆ្លើយតបអ្នកគាំទ្ររឿងចូលផលិតកម្ម Galaxy Navatra

បានផុស

២ years មុន

នៅ

ថ្ងៃអាទិត្យ ១៨ កញ្ញា ២០២២

ដោយ

កាលពីថ្មីៗនេះ តារាចម្រៀងលោក ប៊ុត សីហា ដែលជាម្ចាស់ពានកម្មវិធី The Voice Cambodia រដូវកាលទី ១ បានប្រកាសវិលចូលសិល្បៈជាថ្មីឡើងវិញ ជាមួយនឹងការសន្យាកែប្រែកំហុសរបស់ខ្លួនមិនឲ្យអ្នកគាំទ្រខកចិត្តនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយដំណឹងនៃការវិលចូលសិល្បៈរបស់លោក ប៊ុត សីហា គឺបានធ្វើឲ្យអ្នកគាំទ្រម្ចាស់ពានរូបនេះ បង្ហាញការសប្បាយចិត្តហើយលើទឹកចិត្តគ្រប់គ្នា។ ទន្ទឹមគ្នានោះដែរ ស្រាប់តែមានដំណឹងល្អថែមទៀត គឺអ្នកឧកញ៉ា ឡេង ណាវ៉ាត្រា បានសម្រេចផ្ដល់ឱកាសឲ្យលោក ប៊ុត សីហា ចូលក្នុងផលិតកម្ម Galaxy Navatra តបតាមការជ្រោមជ្រែងពីសំណាក់លោកគ្រូ ម៉ិច សីហា។

បន្ទាប់ពីការប្រកាសផ្តល់ឱកាសពីអ្នកឧកញ៉ា ឡេង ណាវ៉ាត្រា គេឃើញមានអ្នកគាំទ្រមួយចំនួនធ្វើការសួរនាំ និងចង់ដឹងលោក ប៊ុត សីហា ចូលផលិតកម្ម Galaxy Navatra។ ភ្លាមៗនៅថ្ងៃទី ១៤ ខែកញ្ញា ឆ្នាំ ២០២២ លោក ប៊ុត សីហា ក៏តបសំនួរនេះថា«បងប្អូនឆាតសួរ និងខមិនសួរខ្ញុំច្រើនណាស់ ថាខ្ញុំចូលក្នុងផលិតកម្មមហាយក្សកាឡាក់ស៊ីថ្ងៃណា? ហើយចង់ឲ្យខ្ញុំចូលកាឡាក់ស៊ីណាស់។ ថ្ងៃស្អែកខ្ញុំនឹងផ្តល់ដំណឹងជូនបងប្អូននៅពេលល្ងាច អរគុណសម្រាប់បងប្អូនដែលគ្រាំទ្រខ្ញុំបាទ ប៊ុត សីហា ហើយនិងខំប្រឹងជំរុញខ្ញុំគ្រប់បែបយ៉ាង»។

ដោយធ្វើតាមការសន្យាតារាចម្រៀងលោក ប៊ុត សីហា បានធ្វើការបញ្ជាក់ទៅកាន់អ្នកគាំទ្រជាថ្មីថា បងប្អូនឆាតមកច្រើន និងចង់ដឹងរឿងខ្លះៗអំពីខ្ញុំ ហើយខ្ញុំបានសន្យាថា នឹងប្រាប់បងប្អូននៅល្ងាចមិញដោយសារមានការងារខ្លះខាងអ្នកសម្របសម្រួល និងគ្រប់គ្រងមិនទាន់ឲ្យបង្ហាញ អ៊ីចឹងហើយខាងអ្នកគ្រប់គ្រង និងពន្យារពេលទៅថ្ងៃច័ន្ទវិញ ដោយបង្ហាញជាមួយ និងបងៗសារព័ត៌មានហើយ នឹងបង្ហាញនូវអ្វីពិសេសៗខ្លះនៅថ្ងៃនោះ។

លោក ប៊ុត សីហា បន្ថែមទៀតថា ខ្ញុំបាទសូមអធ្យាស្រ័យដោយក្តីអនុគ្រោះផងចុះ។ សង្ឃឹមបងប្អូន និងយល់នូវការងារនោះចំពោះខ្ញុំ ហើយខ្ញុំនឹងមិនឲ្យបងប្អូនខកចិត្តទេ តែពេលនេះខ្ញុំមិនទាន់បង្ហាញអ្វីទេចាំលទ្ធផលចេញមកជាផ្លូវការសិន អរគុណអ្នកគាំទ្ររបស់ខ្ញុំបាទ៕

អត្ថបទ៖ ចាន់រ៉ា