MV ថ្មី “Shut Down” របស់ BLACKPINK ផលិតយ៉ាងសម្រិតសម្រាំង និងបង្កប់លក្ខណៈពិសេសៗ

បន្ទាប់ពីទទួលបានភាពជោគជ័យនៃបទចម្រៀង “Pink Venom”, ក្រុមចម្រៀងនារី BLACKPINK បានត្រលប់មកវិញជាមួយនឹងបទចម្រៀងថ្មីដែលមានចំណងជើងថា “Shut Down” ហើយត្រូវបានផលិតឡើងយ៉ាងសម្រិតសម្រាំងជាមួយនឹងលក្ខណៈពិសេសខុសពីវីដេអូផ្សេងៗ ។

លក្ខណៈពិសេសរបស់បទចម្រៀង “Shut Down” របស់ BLACKPINK មានការលាយបញ្ចូលគ្នាយ៉ាងច្នៃប្រឌិតរវាងភ្លេងវីយូឡុងបុរាណ និងភ្លេងហ៊ីបហបដែលជាការសហការរបស់អ្នកនិពន្ធលោក Teddy Park និង Danny Chung ជាមួយនឹងទំនុកច្រៀងប្រកបដោយភាពជឿជាក់ និងស្រាលស្រទន់ដែលចង់ផ្តល់អារម្មណ៏ប្លែកដល់អ្នកស្តាប់ ។

បទនេះបានច្រៀង និងរ៉េបអំពីភាពជោគជ័យ ក៏ដូចជាភាពលេចធ្លោរបស់សមាជីកម្នាក់ៗដូចជា Jennie, Jisoo, Rosé និង Lisa ។

ក្នុងបទច្រៀងនេះក៏បានបង្កប់ន័យការចាប់ផ្តើមអាជីពសិល្បៈដំបូងរបស់ពួកគេរហូតមកដល់ពេលបច្ចុប្បន្ននេះផងដែរ ជាពិសេសជាមួយប៉ារ៉ូលច្រៀងឌឺដងទៅកាន់ Hater របស់ខ្លូន ។ ចំណែកឯក្នុង MV បទចម្រៀង Shut Down បានប្រើប្រាស់គំនិតពីបទចាស់ៗរួមមាន បទ Duddu, បទ Play with Fire ក៏ដូចជាបទ Witshle និងបទ Boombaya ។

យ៉ាងណាមិញ MV ចម្រៀងមួយបទនេះក៏បានធ្វើឲ្យអ្នកគាំទ្ររបស់ BLACKPINK ពេញចិត្តជាខ្លាំង ជាពិសេសគឺគុណភាពថតក៏ដូចជាគំនិតដ៏ថ្មី និងប្លែកមួយនេះ ។ នៅក្នុងនោះផងដែលផលិតកររបស់ YG Entertainment ក៏បញ្ជាក់ដែរថា MV បទ “Shut Down” ត្រូវបានផលិតឡើងអស់ថវិកាដ៏ច្រើនបំផុតមិនចាញ់បទ “Pink Venom” នោះទេ ៕

ប្រែសម្រួលដោយ ៖ នាងតូច

ចុចអាន៖ប៉ោមខ្មៅដែល Lisa កាន់ក្នុងបទ “Pink Venom” គឺជាផ្លែពិត ឯតម្លៃថ្លៃមិនធម្មតា