បើមិនក្លាយជាតារាចម្រៀងទេ Lisa នឹងចាប់អាជីពមួយនេះ

នៅក្នុងបទសម្ភាសន៍ថ្មីជាមួយទស្សនាវដ្ដី Vogue តារាស្រីថៃ Lalisa បានប្រាប់ពីចំណង់ចំណូលចិត្តរបស់នាងតាំងពីនៅក្មេងៗ ក្រៅពីចង់ក្លាយជាអ្នកចម្រៀង នាងជាមនុស្សចូលចិត្តកាមេរ៉ា ហើយមិនបានជាប់ជាសមាជិកក្រុម BLACKPINK នោះទេ នាងមុខតែចាប់អាជីពជាអ្នកថតរូបមិនខាន។

នៅក្នុងបទសម្ភាសន៍ Lisa បន្ថែមថា ​ដោយសារនាងមានក្ដីស្រមៃក្លាយជាអ្នកសិល្បៈ ដូច្នេះ​នាងចាប់​អារម្មណ៍​លើ​ការ​តុប​តែងមុខ និងវិស័យ​ម៉ូដ​ កាល​នាង​នៅ​តូច ហើយចាប់ផ្ដើមហ្វឹកហាត់ច្រៀង និងរាំតាំងអាយុ ៤ឆ្នាំមកម្ល៉េះ។ ក្រៅពីនេះ Lisa ក៏ចូលចិត្តការថតរូបជាខ្លាំងផងដែរ។ នាងនិយាយថា “ប្រសិនបើខ្ញុំមិនបានក្លាយជាអ្នកចម្រៀងទេ ខ្ញុំប្រហែលក្លាយជាអ្នកថតរូប”។

ក្រៅពីទម្លាយពីបំណងប្រាថ្នាកាលនៅក្មេងៗ សមាជិក BLACKPINK រូបនេះ បានលើកទឹកចិត្តអ្នកគាំទ្ររបស់នាងឱ្យបន្តក្ដីស្រមៃរបស់ខ្លួនជាមួយនឹងភាពជឿជាក់ នោះទើបអ្វីៗនឹងមានលទ្ធផលល្អ៕

ប្រែសម្រួល៖ សន្យា

ចុចអាន៖ តាមពិត Lisa យកឆ្កែផ្ទាល់ខ្លួនមកថត MV ព្រោះចេតនាសំខាន់មួយ

ចុចអាន៖ ស្រ្គីបភាពយន្ត “Squid Game” វគ្គ២ កំពុងជាប់គាំង ព្រោះផលិតករស្មុគស្មាញលើរឿងមួយ