ជីវិតកម្សាន្ដ

Mai Davika ទម្លាយតម្លៃហាងកាហ្វេផ្ទាល់ខ្លួន ចាប់ពីបើកដំបូង រហូតដល់ក្លាយជាវិមាន

បានផុស

៣ years មុន

នៅ

ថ្ងៃអង្គារ ២០ កញ្ញា ២០២២

ដោយ

ក្រៅពីមានរូបសម្រស់ស្រស់ស្អាត និងមានទេពកោសល្យក្នុងវិស័យសិល្បៈ Mai Davika ក៏ជាម្ចាស់ហាងកាហ្វេមួយឈ្មោះថា Missstar ខណៈនាងបានទម្លាយពីតម្លៃ ចាប់តាំងពីបើកដំបូង រហូតដល់ក្លាយជាវិមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ អាជីវកម្មហាងកាហ្វេ Missstar ក៏ត្រូវបានគេដឹងថា នាងបានតាំងចិត្តធ្វើនិងស្រលាញ់ជាខ្លាំង។ បន្ទាប់ពីនាងខិតខំធ្វើ តាំងពីតូច រហូតដល់ធំស្កឹមស្កៃដូចវិមានមកដល់ពេលនេះ។

ដោយឡែក កាលពីពេលថ្មីនេះ តារាសម្ដែង Mai Davika បានធ្វើវីដេអូឃ្លីបមួយបង្ហោះលើ Channel ផ្ទាល់ខ្លួនដោយដាក់ចំណងជើងថា “ទស្សនាព្រះរាជាណាចក្រ ២០០លានបាត (៥លានដុល្លារ)! ហាងកាហ្វេ Misstar cafeរបស់ Davika។”

នៅក្នុងវីដេអូឃ្លិបនោះ ស្ត្រីជំនួញដែលជាម្ចាស់ហាងកាហ្វេរូបនេះ បាននិយាយថា បើកបាន៧-៨ឆ្នាំ ហើយនាងមានមោទនភាពខ្លាំង។ ព្រោះហាងនេះ ចាប់ផ្តើមពីដំបូង សូម្បីតែឡូហ្គោរបស់ហាងក៏បានវិនិយោគលើការរចនាខ្លួនឯងដែរ។ ដែលបរិយាកាសខាងក្នុង ពោរពេញដោយភាពប្រណីត តុបតែងតាមបែបអឺរ៉ុប និងមុំដើម្បីថតរូបផ្សេងៗ ក្នុងនោះក៏មានកន្លែងរៀបអាពាហ៍ពិពាហ៍ទាំងក្នុងសាល និងខាងក្រៅសម្រាប់អ្នកគាំទ្រ បានទស្សនាផងដែរ។

យ៉ាងណាមិញ នៅពេលគេសួរថា ហាងកាហ្វេ Missstar បានទទួលដំណឹងថា ចាប់តាំងពីបើកដំណើរការដំបូងមកទល់បច្ចុប្បន្ន តើពិតជាចំណាយអស់ប្រាក់២០០លានបាតពិតឬអត់ នាងបានឆ្លើយថា កើនឡើងជាបណ្តើរៗ ដោយចាប់ផ្ដើមពីតាំងពីដីមួយឡូត៍ រហូតដល់ម្ដាយរបស់នាងទិញដីដែលនៅជិតៗនោះបន្ថែម ដើម្បីពង្រីកហាងឲ្យកាន់តែធំឡើងទៅ។ ទន្ទឹមនោះ នៅពេលដែលវិនិយោគ នាងធ្វើវាដោយអស់ពីចិត្ត ហើយចង់ឲ្យអតិថិជនមកកំសាន្តអារម្មណ៍ដូចជានៅផ្ទះរបស់ខ្លួនដែរ៕