ជីវិតកម្សាន្ដ

“Big Mouth” ក្លាយជាភាពយន្តកូរ៉េ ជាប់ចំណាត់ថ្នាក់ខ្ពស់បំផុតមិនធ្លាប់មាន

បានផុស

៣ years មុន

នៅ

ថ្ងៃអង្គារ ២០ កញ្ញា ២០២២

ដោយ

ខ្សែភាពយន្តភាគ “Big Mouth” បានក្លាយជារឿងដែលទទួលបានចំណាត់ថ្នាក់ខ្ពស់បំផុត ជាមួយនឹងការឆ្លើយតបជាវិជ្ជមានពីការវាយតម្លៃ រួមទាំងការគាំទ្រដ៏ច្រើនលើសលប់ នៅក្នុងពិភពអ៉ិនធើណេត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ ការចាក់ផ្សាយរឿងភាគនេះបានចាក់ផ្សាយដល់វគ្គចុងក្រោយ ដែលជាភាគទី១៦ នៅយប់ថ្ងៃទី ១៧ ខែកញ្ញា លើកញ្ចក់ទូរទស្សន៍ MBC ខណៈវាទទួលបានអត្រាវាយតម្លៃទូទាំងប្រទេសជាមធ្យម ១៣.៧ភាគរយ ដែលជាចំនួន Rating ខ្ពស់បំផុត ចាប់តាំងពីរឿងភាគនេះបានចាក់ផ្សាយ។

ទន្ទឹមនោះ សាច់រឿងនេះបានភ្ជាប់មកជាមួយនឹងការសន្និដ្ឋាន ដែលអ្នកទស្សនាជាច្រើនមិននឹកស្មានដល់ និងពិបាកទាយថា នឹងទៅជាយ៉ាងណា។ ជាពិសេសរឿង BigMouth ក៏បានជំរុញឲ្យមានការវាយតម្លៃចម្រុះ ដោយភ្ជាប់ជាមួយ hashtag ដូចៗគ្នាថា #BigMouth16 នៅភាគបញ្ចប់។ ភ្លាមៗនោះ វាបានឡើងដល់និន្នាការលេខ ១ ទូទាំងពិភពលោកផងដែរ។

គួររំលឹកថា ខ្សែភាពយន្តកូរ៉េ “Big Mouth” ចូលរួមសម្ដែងដោយ Lee Jong Suk និង Yoona សមាជិកក្រុម SNSD។ យ៉ាងណាមិញ សាច់រឿងនេះបានឆក់ទាញអារម្មណ៍អ្នកទស្សនា ឲ្យជក់ចិត្តតាំងពីភាគ១ និងចង់ដឹងថា អ្នកណាជា Big Mouth ពិតប្រាកដ រហូតដល់ភាគបញ្ចប់ទើបលេចចេញតួ Big Mouth។ អ្វីដែលធ្វើឲ្យទស្សនិកជនហាក់មិនអស់ចិត្ត នោះគឺការលះបង់របស់ភរិយា នាងត្រូវប្រឈមមុខទុក្ខលំបាក ការពារគ្រួសារ និងស្ដារកេរ្តិ៍ឈ្មោះស្វាមីឡើងវិញ រហូតដល់ថ្ងៃបាត់បងជីវិត៕

ប្រែសម្រួល៖ សាង ស្រីល័ក្ខ

ចុចអាន៖ហេតុផល ៥ យ៉ាង មិនគួររំលងរឿងភាគកូរ៉េ “Big Mouth” កំពុងល្បីល្បាញខ្លាំង

ចុចអាន៖អ្នកគាំទ្រសរសើរតារាសម្ដែងកូរ៉េ ១០ រូប ដើរតួជាអ្នកនយោបាយក្នុងភាពយន្តដូចពិតៗ