បញ្ហាចម្រូងចម្រាសរវាងស្ថាប​និក Miss Grand និងបវរកញ្ញា Engfa ឈានដល់ទីបញ្ចប់

ក្រោយពីផ្ទុះរឿងចម្រូងចម្រាសជាមួយគ្នា រវាងស្ថាប​និក Miss Grand នឹង​បវរកញ្ញា Engfa ដែល​ជា​ម្ចាស់​មកុដ Miss Grand Thailand 2022 ថ្ងៃនេះបញ្ហាទាំងអស់បានឈានដល់ទីបញ្ចប់ ដោយពួកគេបានជួបសម្រុះសម្រួលគ្នានៅការិយាល័យ Miss Grand ផ្ទាល់តែម្ដង។

ប៉ុន្មានថ្ងៃមកនេះ សង្គមសិល្បៈបវរកញ្ញារបស់ថៃ បានបង្កភាពចម្រូងចម្រាសពេញបណ្ដាញសង្គម បន្ទាប់ពីបវរកញ្ញា Engfa បាត់ខ្លួនពីរថ្ងៃមិនចូលរួមហាត់សម ធ្វើឱ្យថៅកែធំ Miss Grand International លោក Nawat ខឹងសម្បារយ៉ាងខ្លាំង។

យ៉ាងណាមិញ មកទល់ថ្ងៃទី២២ ខែកញ្ញា ឆ្នាំ២០២២​ ភាគីទាំងសងខាងបានជួបគ្នានៅការិយាល័យ Miss Grand International ដើម្បីជជែកអំពីបញ្ហាដែលកើតឡើង ហើយតាមរយៈរូបថតដែលម្ចាស់មកុដ MGT 2022 បង្ហោះលើ ​IG របស់នាង បញ្ជាក់ថាគ្រប់បានបញ្ចប់ដោយរលូនហើយ។

Engfa បានបង្ហោះរូបមួយសន្លឹកជាមួយ លោក Nawat និងភ្ជាប់ជាមួយខេបសិនអរគុណ ព្រមទាំងសម្ដែងការសុំអភ័យទោសដល់ស្ថាបនិករូបនេះ ព្រមទាំងអ្នកគាំទ្ររបស់នាង។

បន្ទាប់ពីឃើញសារមួយនេះ អ្នកគាំទ្របានផ្ញើសារលើកទឹកចិត្តដល់ Engfa និងជូនពរនាងឱ្យបន្តតំណាងឱ្យប្រទេសថៃ ដើម្បីចូលរួមក្នុងការប្រកួត Miss Grand International 2022 នៅប្រទេសឥណ្ឌូនេស៊ី នៅចុងខែតុលាខាងមុខ៕

ប្រែសម្រួល៖ សន្យា

ចុចអាន៖ ស្ថាបនិក Miss Grand កំពុងក្ដៅក្រហាយជាមួយបវរកញ្ញា Engfa