ជីវិតកម្សាន្ដ

ផ្ទុះទៀតហើយ ! Tho Meet ចេញបទថ្មីនិយាយពីមុខម្ហូបធ្វើឲ្យអ្នកគាំទ្រពេញចិត្តគ្រប់គ្នា

បានផុស

៤ years មុន

នៅ

ថ្ងៃអង្គារ ២៩ ធ្នូ ២០២០

ដោយ

អ្នកគាំទ្រនិងអ្នកប្រើប្រាស់បណ្តាញសង្គមហ្វេសប៊ុកជាច្រើនកំពុងមានការចាប់អារម្មណ៍ខ្លាំងថែមទៀត ក្រោយពេលអ្នកនិពន្ធល្បីឈ្មោះរបស់ផលិតកម្មហង្សមាសលោក Tho Meetបានបញ្ចេញសា្នដៃបទថ្មីរបស់ខ្លួនដែលនិយាយអំពីអត្ថប្រយោជន៍នៃមុខម្ហូបដ៏សាមញ្ញបំផុត។ បទនេះមានចំណងជើងថា ថ្ងៃណាក៏ឆាតាសក់ ថ្ងៃណាក៏ឆាត្រឡាច។បទចម្រៀងថ្មីដែលជាស្នាដៃនិពន្ធរបស់ Tho Meetនេះ គឺច្រៀងដោយតារាចម្រៀងតូច ចាន់ សុបញ្ញា និង សុខ សុជាតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការកត់សម្គាល់បទនេះទើបតែបញ្ចេញផ្សព្វផ្សាយបានត្រឹមរយៈពេល២៤ម៉ោងប៉ុណ្ណោះ គឺមានចំនួនអ្នកចូលទស្សនានិងស្ដាប់កើនជាលំដាប់ ពោលគឺកើតឡើងរហូត១លានដងរួចទៅហើយត្រឹមរយៈពេលតែមួយថ្ងៃនេះ។ ទន្ទឹមគ្នានៃសន្ទុះនៃការគាំទ្រនេះដែរ សម្រាប់អ្នកនិពន្ធវ័យក្មេងលោកThoMeet បានថ្លែងប្រាប់ឲ្យដឹងដោយបង្ហាញអារម្មណ៍រំភើបថា ចំពោះខ្ញុំផ្ទាល់ គឺបានមើលឃើញពីភាពខ្លាំងនៃបទនេះ តាំងតែពីពេលដាក់ជូនទស្សនិកជនទស្សនានៅនាទីដំបូងមកម្លេះ។ លោកបន្តថា ភ្លាមៗនៃការបញ្ចេញផ្សព្វផ្សាយបទចម្រៀងនេះ តាមការសង្កេត គឺទទួលបានកំណើនអ្នកចុចទស្សនានិងស្ដាប់កើនឡើងដូចទឹកបាក់ទំនប់ ហើយទីបំផុតត្រឹមរយៈពេល១ថ្ងៃប៉ុណ្ណោះទាញការចាប់អារម្មណ៍ចំនួនអ្នកទស្សនាកើតទៅដល់ទៅ១លានដង។

ជុំវិញនៃការដាក់ចំណងជើងបទចម្រៀងដ៏ប្លែកអារម្មណ៍នេះ ត្រូវបានលោក Tho Meetបើកកកាយថា តាមពិតConcept របស់បទនេះ គឺកើតចេញក្នុងសង្គមគ្រួសារលោកតែម្ដងហើយនេះគឺជាសាច់រឿងពិតប្អូនថ្លៃរបស់លោកដែលអ្នកផ្ទះតែងតែធ្វើមុខម្ហូបពីរមុខនេះស្ទើររាល់ថ្ងៃ ហើយប្អូនរបស់លោកតែងតែរអ៊ូរទាំពីបញ្ហានេះរឿយៗដែរ។ ឃើញដូច្នេះលោកក៏សាកយកមករំលេចក្នុងស្នាដៃនិពន្ធរបស់លោកសាកល្បងតែម្ដងទៅ៕

អត្ថបទ ៖ ចាន់រ៉ា