អ្នកនាង ខ្ញុង៖ បរាជ័យ បាត់បង់ បែកបាក់ ព្រាត់ប្រាសមិនមែនទើបកើតឡើងលើកទី១សម្រាប់ខ្ញុំទេ

តារាកំប្លែងអ្នកនាង ខ្ញុង កាលពីរសៀលថ្ងៃ ទី២២ ខែកញ្ញា ឆ្នាំ២០២២ គឺបានបង្ហោះសារបង្ហាញពីការឈឺចាប់ជាបន្តបន្ទាប់នៅលើទំព័រហ្វេសប៊ុកផ្លូវការរបស់ខ្លួនជុំវិញរឿងរ៉ាវប្រេះឆាស្នេហ៍ជាមួយស្វាមីនាយ កៃដរ ។ ចំណែកឯនាយ កៃដរ ដែលជាស្វាមីក៏បានបង្ហោះសារដូចគ្នានៅលើគណនីហ្វេសប៊ុកខ្លួនផងដែរ។

យោងតាមការLiveបញ្ជាក់ពីតារាកំប្លែង ខ្ញុង បានរៀបរាប់ទាំងទឹកភ្នែកធ្វើការបកស្រាយថា រឿងហេតុទាំងនេះគឺកើតឡើងដោយសារតែបញ្ហាបន្តិចបន្តូចប៉ុណ្ណោះ ពោលគឺប្រហែលមកពីស្វាមីរបស់នាងចង់បែកទើបរឿងតូចសោះបង្កឲ្យក្លាយទៅជាបញ្ហាបែបនេះ។ អ្នកនាង ខ្ញុង បាននិយាយថា បញ្ហាបានកើតឡើងដោយសារតែគ្រាដែលស្វាមីនាយ កៃដរ ទៅលេងចំការហើយអ្នកនាងបានតេទូរស័ព្ទទៅជាច្រើនដងប៉ុន្តែស្វាមីមិនលើក និងថែមទាំងបិទហើយឆាតមកនិយាយពាក្យមិនល្អដាក់ខ្លួនទៀតផង។ អ្នកនាងបន្តថា ដោយសាររឿងហេតុនេះហើយទើបក្លាយទៅជាបញ្ហារកាំរកុសគ្នាដូច្នេះ។

ដោយឡែកបើចាប់អារម្មណ៍ទៅមើលនាយ កៃដរ ក៏បានបង្ហោះសារជាបន្តបន្ទាប់ដែរថា បង្កើតគ្រួសារមួយបើចែកមិនដាច់រវាងបងប្អូនទេ គឺមិនអស់ទំនាស់ឡើយ។ ដូចម្តេចដែលហៅថា រួមសុខរួមទុក្ខជាមួយប្តីប្រពន្ធ? មិនមែនជាមួយបងប្អូនទេ ,អ្វីដែលខំធ្វើគថ្លង់ និងអធ្យាស្រ័យគិតថា អាណិតលះបង់កាយចិត្តព្រោះស្រលាញ់ព្រោះចង់កែរប្រែតែពេលនេះខ្ញុំអស់​សមត្ថភាពហើយ,ខំសន្សំពេលវេលាដើម្បីរៀបប្រព័ន្ធរស់នៅក្នុងគ្រួសារអោយត្រឹមត្រូវ តែគួរស្តាយវាសនាបានកំណត់ថាគ្រួសារមួយនេះមិនអាចរៀបចំកើតទេ ព្រោះខ្ញុំអស់សមត្ថភាពហើយ។

នាយ កៃដរ បន្ថែមទៀតថា ភ្លើងកំពុងនឹងឆេះ មានពួកអាផេះចាក់សាំងអោយឆេះថែម។ ដើម្បីជោគជ័យរបស់ខ្លួនសុខចិត្តបំផ្លាញគេ។ ឈប់រកគ្រូធ្វើអំពើបំបែកខ្ញុំទៀតទៅនាំអស់លុយ ព្រោះពេលនេះខ្ញុំបែកគ្នាហើយ ។ សូមរីករាយនូវអ្វីដែលអ្នកប្រាថ្នាចុះ ។ រីឯអ្នកនាង ខ្ញុង នៅយប់ថ្ងៃទី២២ ខែកញ្ញា ក៏បានបន្តបង្ហោះសារជាបន្តបន្ទាប់ដោយបង្ហាញពីការឈឺចាប់របស់ខ្លួន។

សារដែលគេចាប់អារម្មណ៍ទៀតនោះ គឺអ្នកនាង ខ្ញុង  បានរៀបរាប់ផ្តែរផ្តាំកូនថា «ម៉ែមិនដឹងទេថាភាពរឹង មាំរបស់ម៉ែនៅបានប៉ុនណាទៀតដឹងត្រឹមថាពេល នេះម៉ែក៏ហត់ បំណុល សេដ្ឋកិច្ចគ្រួសារ បញ្ហាផ្លូវចិ ត្ត សុខភាព រឿងគ្រួសារ បែកបាក់ ថែប្អូនណាកូន »។ អ្នកនាងក៏បានបញ្ជាក់ដែរថាបរាជ័យ បាត់បង់ បែកបាក់ ព្រាតប្រាស់ វាមិនមែនទើបតែកើតឡើងលើកទីមួយឡើយសំរាប់ខ្ញុំឈឺចាប់ក៏ច្រើនដង ។

តារាកំប្លែង ខ្ញុង បន្ថែមថាការប្រមាថមើលងាយ ក៏ស្គាល់អស់ហើយដែលចាត់ទុក្ខថាយើងជំពាក់កម្មគេពីជាតិមុន រស់ជាតិនេះសំរាប់តែសងកម្ម ម្ចាស់កម្មពៀអើយនៅមានទៀតទេខ្ញុំសុំសងពួកអ្នកអោ យអស់នៅជាតិនេះសូមជាតិក្រោយកុំអោយខ្ញុំរងទុ ក្ខអ៊ីចឹងទៀត៕

អត្ថបទ៖ ចាន់រ៉ា