ជីវិតកម្សាន្ដ

លោក សាវិន ហ្វីលីព ប្រកាសឆន្ទៈដាច់ខាតមិនទទួលថតរាល់ការផ្សព្វផ្សាយក្រុមហ៊ុនល្បែង និងស្រាបៀរ

បានផុស

២ years មុន

នៅ

ថ្ងៃសុក្រ ២៣ កញ្ញា ២០២២

ដោយ

តារាសម្តែងជើងចាស់លោក សាវិន ហ្វីលីព កាលពីថ្មីៗកន្លងទៅនេះបានចេញមកប្រកាសរក្សាជំហររបស់ខ្លួនជាសាធារណៈថា តាំងពីដំបូងរហូតមកទល់ពេលបច្ចុប្បន្ន គឺលោកមិនដែលទទួលធ្វើទូតសុឆន្ទៈឲ្យក្រុមហ៊ុនល្បែង និងស្រាបៀរឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសជំហរដោយច្បាស់ៗពីសំណាក់តារាសម្តែងលោក សាវិន ហ្វីលីព នេះបានធ្វើឲ្យទស្សនិកជនបង្ហាញការគាំទ្រ និងស្ងើចសរសើរចំពោះឆន្ទៈដ៏ល្អរបស់លោកនៅក្នុងសង្គម។ នៅលើគណនីហ្វេសប៊ុករបស់លោក សាវិន ហ្វីលីព បានបញ្ជាក់ថា ខ្ញុំមិនទទួលធ្វើជាទូតសុឆន្ទៈ(Brand Ambassad or) ឲ្យក្រុមហ៊ុនល្បែង និងស្រាបៀរទេតាំងពីដើមរហូតមក។

តារាសម្តែងល្បីឈ្មោះរូបនេះ បាននិយាយដោយខ្លីទៀតថា”លុយអ្នកណាក៏ចង់បានដែរ តែបើខ្ញុំបានលុយហើយមានអ្នកស្លាប់ដោយសារខ្ញុំ… ចំពោះខ្ញុំគឺ No។ លោកក៏បានបន្ថែមថា ពាក្យពិតវាស្លែង .. កន្លងមកគឺលោកទទួលធ្វើតែជា Brand Ambas sador( BA) ឲ្យតែក្រុមហ៊ុនអចលនទ្រព្យប៉ុណ្ណោះ ហើយនៅពាក់កណ្ដាលខែតុលាខាងមុខនេះ លោកនឹងចុះកុងត្រាថ្មីជាមួយក្រុមហ៊ុនបុរីដ៏ធំមួយក្នុងខេត្តសៀមរាបផងដែរ។

គេកត់សម្គាល់ថា នៅលើបណ្តាញសង្គមហ្វេសប៊ុករបស់លោក សាវិន ហ្វីលីព កន្លងមកលោកមិនដែលបង្ហោះពាក់ព័ន្ធនឹងការពិសាគ្រឿងស្រវឹងឡើយ ផ្ទុយមកវិញលោកតែងបញ្ចេញសារដាស់តឿន និងបំផុសឲ្យចៀសឆ្ងាយពីការពិសាគ្រឿងស្រវឹង៕

អត្ថបទ៖ ចាន់រ៉ា