MV បទចម្រៀងថ្មីរបស់ BLACKPINK រងការចោទប្រកាន់ថា លួចចម្លងរបស់គេ

វីដេអូចម្រៀងបទ “Shut Down” របស់ក្រុម BLACKPINK នៅពេលថ្មីៗនេះត្រូវបានគេចោទប្រកាន់នៅលើបណ្តាញអ៊ីនធឺណិតថា បានលួចចម្លងពីក្រុមចម្រៀងនារីហុងកុង។

នៅក្នុងការបង្ហោះនៅប្រព័ន្ធផ្សព្វផ្សាយដ៏ធំបំផុតរបស់ប្រទេសកូរ៉េ អ្នកនិយមលេងអ៊ីនធឺណិតម្នាក់ បានសរសេរថា “អ្នកគាំទ្រក្រុមចម្រៀងស្រីហុងកុង Collar និយាយថា វីដេអូចម្រៀងចុងក្រោយរបស់ BLACKPINK បានលួចចម្លងចេញពីវីដេអូបទចម្រៀង “On/Off” របស់ពួកគេ” ។

ពួកគេបានបង្ហោះវីដេអូចម្រៀងរបស់ក្រុមនីមួយៗដើម្បីប្រៀបធៀប និងវែកញែក ដោយអ្នកគាំទ្រ របស់ Collar ចោទប្រកាន់មានភាពស្រដៀងគ្នាខ្លាំង ជាពិសេសត្រង់ឈុតក្នុងជណ្តើរយន្ត និងនៅ លើរថយន្ត ក៏ដូចជាក្បាច់រាំស្រដៀងគ្នាក្នុងវីដេអូចម្រៀងបទ “Shut Down” ។

ស្របពេលជាមួយគ្នានេះ អ្នកគាំទ្រក្រុមចម្រៀង BLACKPINK បានចេញតបតទៅវិញថា ភាពស្រដៀងគ្នានេះកើតឡើង ដោយសារប្រើប្រាស់ឧបករណ៍ដូចគ្នាប៉ុណ្ណោះ ចំណែកឯវីដេអូចម្រៀងវិញគឺប្រើប្រាស់គំនិតពីបទចាស់ៗដូចជា បទ Duddu, បទ Play with Fire ក៏ដូចជាបទ Witshle និងបទ Boombaya ដើម្បីផលិត MV នេះឡើង ៕

ប្រែសម្រួលដោយ ៖ នាងតូច