តារា​ល្បីៗ​ច្រើន​ដួង ប្រមូលផ្ដុំ​គ្នា​ក្នុង​កំពូល​ព្រឹត្តិការណ៍​ប្រគំ​តន្រ្តី​ឆ្លង​ឆ្នាំ​សកល ២០២១ ​

កំពូលតារាចម្រៀងល្បីៗប្រចាំព្រះរាជាណាចក្រកម្ពុជា នឹងបង្ហាញវត្តមានរួមគ្នាក្នុងព្រឹត្តិការណ៍ប្រគុំតន្រ្តីភេសជ្ជៈ Boostrong  ដើម្បីអបអរឆ្លងឆ្នាំសកល ២០២០ ចូលឆ្នាំ ២០២១ នាយប់ស្អែកនេះ។

ព្រឹត្តិការណ៍​ដ៏អស្ចារ្យ​ “Boostrong 2021 The Countdown” នឹងមានការអញ្ជើញចូលរួមដោយតារាចម្រៀងក្នុងដួងចិត្តយុវវ័យ លោក ខេមរៈ សិរីមន្ត កញ្ញា សុខ ពិសី លោក នីកូ កញ្ញា រ៉ាប៊ី នាយចឺម កញ្ញា រ៉េត ស៊ូហ្សាណា លោក អ៊ីណូ រួមជាមួយតារាកិត្តិយសជាច្រើនដួងទៀត ដែលនឹងធ្វើឆាកតន្ត្រីឆ្នាំនេះកាន់តែពិសេសទ្វេរឡើង។

ក្រៅពីតារាចម្រៀងដ៏មានប្រជាប្រិយ លោកអ្នកនឹងជួបជាមួយពិធីករ-ពិធីការិនី វោហារសាសព្ទមិនចេះរីងស្ងួតរួមមាន លោក ប៉ែន ចំរ៉ុង កញ្ញា សាឌី និងកញ្ញា ហេង កែវនីតា។

ព្រឹត្តិការណ៍ដ៏កក្រើកនេះដែរ នឹងមានផ្សាយផ្ទាល់នាថ្ងៃទី ​៣១​ ខែធ្នូ ឆ្នាំ​២០២០ ចាប់ពីម៉ោង ៨ យប់តទៅ​ លើ​កញ្ចក់ទូរទស្សន៍បាយ័ន និង ​BTVNews៕