ជីវិតកម្សាន្ដ

បវកញ្ញា Engfa ទម្លាយស្ថានភាពជំងឺបាក់ទឹកចិត្តចូលដំណាក់កាលធ្ងន់ធ្ងរ រហូតត្រូវលេបថ្នាំរាល់ថ្ងៃ

បានផុស

២ years មុន

នៅ

ថ្ងៃអង្គារ ២៧ កញ្ញា ២០២២

ដោយ

បវកញ្ញា Engfa Waraha ដែលជាម្ចាស់មកុដ Miss Grand Thailand 2022 បានទម្លាយពីអារម្មណ៍ពិតតាមរយៈការ Live លើគណនីផ្ទាល់ខ្លួនថា ពេលនេះនាងមានជំងឺបាក់ទឹកចិត្តធ្ងន់ធ្ងរ រហូតត្រូវលេបថ្នាំជាប់ជានិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការផ្សាយផ្ទាល់ ដើម្បីជជែកកម្សាន្តទៅកាន់អ្នកគាំទ្រ និងសួរពីសុខទុក្ខ Engfa ក៏បានទម្លាយដោយការបង្ហាញរឿងរ៉ាវខ្លះៗពីជីវិតរបស់នាងថា ពេលនេះនាងកំពុងតែមានជំងឺធ្លាក់ទឹកចិត្តរ៉ាំរ៉ៃ នៅក្នុងដំណាក់កាលធ្ងន់ធ្ងរ ដែលត្រូវការព្យាបាលឥឡូវនេះ គឺលេបថ្នាំសឹងតែរាល់ថ្ងៃ។ នាងបានចេញមុខបកស្រាយទាំងទឹកភ្នែកថា តាំងពីទទួលបានតំណែងជាម្ចាស់មកុដជាង៥ខែមក “ខ្ញុំត្រូវខិតខំធ្វើការស្ទើរតែមិនបានសម្រាក ទាល់តែត្រូវគេស្តីបន្ទោស។ លើសពីនេះ ខ្ញុំមិនអាចសម្រាក ដើម្បីត្រៀមខ្លួនហាត់សមកម្មវិធី Miss Grand International 2022 ដែលនឹងមកដល់ក្នុងពេលឆាប់ៗនេះ នៅប្រទេសឥណ្ឌូណេស៊ីឡើយ។”

លើសពីនេះ Engfa ក៏និយាយបន្ថែមទាំងទឹកមុខស្រងូតស្រងាត់ថា “តាមពិតទៅ ខ្ញុំចង់បាត់ខ្លួនចេញពីបណ្តាញសង្គម មួយរយៈ ដើម្បីរៀបចំខួរក្បាល និងស្ថានភាពផ្លូវចិត្តមុនទៅប្រកួត។ ក៏ប៉ុន្តែមនុស្សបានវាយប្រហារខ្ញុំ និងម្ចាស់ស្ថាប័នដូច្នេះខ្ញុំត្រូវចេញមុខបកស្រាយសុំទោសដល់គ្រប់គ្នា សូមអរគុណដល់មនុស្សល្អៗជាច្រើនដែលព្រួយបារម្ភ។”

នាងក៏បានសង្កត់ធ្ងន់ដែរថា នាងចង់ឲ្យមនុស្សរង់ចាំភាពច្បាស់លាស់ ហើយរង់ចាំការពិត មុននឹងធ្វើការវិនិច្ឆ័យលើអ្នកណាម្នាក់។ ការក្លាយជាមនុស្សសាធារណៈគឺពិបាកណាស់ អ្នកត្រូវជួបរឿងជាច្រើនក្នុងមួយថ្ងៃៗ។ ពេលចេញមកសម្រាកដំបូងគេសួរថា តើយើងបានធ្វើអ្វីមួយខុស ឬមានទំនាក់ទំនងមិនល្អ? ហេតុអ្វីយើងត្រូវអង្គុយពន្យល់ ពីអ្វីដែលយើងកំពុងធ្វើ?

យ៉ាងណាមិញ ក្រោយដឹងបែបនេះ អ្នកគាំទ្រជាច្រើនបានសម្ដែងការព្រួយបារម្ភ និងលើកទឹកចិត្ត ជូនពរដល់ម្ចាស់មកុដ Miss GrandThailand 2022 ឲ្យឆាប់ជាសះស្បើយ។ ជាពិសេសហ្វេនៗសង្ឃឹមថា Engfa នឹងរឹងមាំ ដើម្បីឆ្លងកាត់ព្យុះភ្លៀង បើទោះបីជានាងកំពុងតែជួបបញ្ហាមិនចេះចប់មិនចេះហើយក្ដី។

គួររឭកដែរថាបវកញ្ញា Engfa Waraha បច្ចុប្បន្ននេះកំពុងតែជួបបញ្ហាធំមួយទៀត ជាមួយស្ថាបនិក Miss Grand Thailand 2022 គឺលោក Nawat ខណៈអ្នកទាំងពីរ បានចេញមុខមកជម្រះមន្ទិលសង្ស័យ ដោយថតរូបយល់ព្រមត្រូវរ៉ូវគ្នាវិញ កាលពីពេលថ្មីនេះប៉ុណ្ណោះ៕

ប្រែសម្រួល៖ សាង ស្រីល័ក្ខ

ចុចអាន៖មហាជនព្រួយបារម្ភ ក្រោយម្ដាយ Nadech ទម្លាយឃ្លិប និងរូបភាពទឹកជំនន់លិចផ្ទះកាន់តែខ្លាំង

ចុចអាន៖Pancake កាន់តែកើនប្រជាប្រិយភាពខ្លាំងក្លា ទោះរៀបការហើយក្ដី