ធ្លាយពាក្យចចាមអារ៉ាម អតីតស្វាមី Angelina សាងស្នេហ៍លួចលាក់ជាមួយស្ត្រីមេម៉ាយម្នាក់

យោងតាមប្រភពពី Page Six បានទម្លាយថា អតីតស្វាមីតារាហូលីវូដ Angelina Jolie កំពុងទាក់ទងស្នេហាជាសម្ងាត់ជាមួយតារាបង្ហាញម៉ូដវ័យក្មេងម្នាក់ ទោះបីពេលនេះពួកគេមិនទាន់ប្រកាសទំនាក់ទំនងជាផ្លូវការក៏ដោយ ប៉ុន្តែអ្នកសារព័ត៌ចាប់បានភ័ស្តុតាងមួយចំនួនដែលអាចបញ្ជាក់បានថារឿងនេះគឺជារឿងពិត។

​តារាសម្ដែង Brad Pitt ក្នុងវ័យ ៥៨ឆ្នាំ កំពុងផ្ទុះពាក្យចចាមអារ៉ាមស្នេហាជាមួយ​តារា​ម៉ូដែល Emily Ratajkowski​ ដែលមានវ័យ ៣១ឆ្នាំ ហើយនាងគឺជាស្ត្រីមេម៉ាយ ទើបលែងលះស្វាមីបានជាង ៣ខែប៉ុណ្ណោះ។

ប្រភពដដែលបន្តថា ប៉ុន្មានខែមកនេះ Brad Pitt មិនធ្លាប់ណាត់ជួបនឹងនរណាជាពិសេសឡើយ លើកលែងតែតារាស្រី Emily ដែលកាលពីប៉ុន្មានថ្ងៃមុន គេប្រទះឃើញអ្នកទាំងពីរចំណាយជាមួយគ្នាយ៉ាងស្និទ្ធស្នាល នៅទីក្រុងប៉ារីស។

តាមពិតពាក្យចចាមអារ៉ាមនេះ មិនមែនទើបតែលេចធ្លាយលើកដំបូងនោះទេ ​ព្រោះថាព័ត៌មានលួចណាត់ជួបគ្នារវាងតារាទាំងពីរ បានចាប់ផ្ដើមតាំងពីខែសីហាមកម្ល៉េះ គឺចំពេល Emily ទើបលែងលះបានមួយខែ ប៉ុន្តែពេលនោះមិនមានភស្តុតាងអះអាងថាពួកគេជាគូស្នេហ៍ឡើយ។

កាលណោះទស្សនាវដ្តី OK បានចុះផ្សាយថា Brad Pitt កំពុងបង្ហាញភាពស្និទ្ធស្នាលខ្លាំងជាមួយ Emily ហើយគេសង្ស័យអ្នកទាំងពីរមានទំនាក់ទំនងលើសពីមិត្ត ប៉ុន្តែសាមីខ្លួនច្រានចោលការចុះផ្សាយ ខណៈពេលថ្មីៗនេះ ក្រុមអ្នកកាសែតប្រមាញ់បានរូបថតជាច្រើនរបស់ពួកគេជាថ្មីម្ដងទៀត តែនៅមានទាន់មានភាគីខាងណាចេញមុខបកស្រាយការពិតនៅឡើយ៕

ប្រែសម្រួល៖ សន្យា

ចុចអាន៖ ល្បីថា តួឯកប្រុសរឿង ‘365 Days’ លួចទាក់ទងស្នេហាជាមួយ Khloe Kardashian

ចុចអាន៖ Angelina Jolie ចោទប្រកាន់អតីតស្វាមីថា ក្លែងខ្លួនជាជនរងគ្រោះ