ហ្វាន ពីងពីង ​បង្អួតសម្រស់ក្នុងឈុតពណ៌ខៀវ អ្នកគាំទ្រទប់មិនសរសើរមិនបាន

ត្រឡប់មកបង្ហាញមុខក្នុងកម្មវិធីមួយ កាលពីពេលថ្មីៗនេះ រាជិនីសម្រស់ ហ្វាន ពីងពីង (Fan Bingbing) បានធ្វើឲ្យមហាជនជាច្រើនស្រឡាំងកាំង ដោយសារតែសម្រស់ស្រស់ស្អាតប្រៀបបានគំនូរ ទាំងដែលនាង​មាន​អាយុ​​ ៤០​ឆ្នាំប្លាយ​ទៅហើយ។

ទោះបីជាច្រើនឆ្នាំមកនេះ ហ្វាន ពីងពីង ត្រូវញាំញីដោយរឿងអាស្រូវទាក់ទងនឹងការរត់ពន្ធក៏ដោយ ក៏ពេលវិលត្រឡប់ចូលសិល្បៈវិញ នាងនៅតែធ្វើឱ្យមហាជនចាប់អារម្មណ៍យ៉ាងខ្លាំងពីរូបសម្រស់មិនថមថយរបស់នាង។ រាល់ពេលដែលនាងបង្ហាញមុខជាសាធារណៈម្ដងៗ តារាស្រីវ័យ ​៤១ឆ្នាំរូបនេះ ធ្វើឱ្យអ្នកនិយមលេងអ៊ីនធឺណេតស្ញើចសរសើរនាងគ្រប់ពេល មិនថាកេរ្តិ៍ឈ្មោះ សមត្ថភាព ឬសម្រស់នោះទេ។

ជាក់ស្ដែង បន្ទាប់ពីស្ងប់ស្ងាត់អស់មួយរយៈមក ហ្វាន ពីងពីង បាន​ចូលរួម​​ក្នុង​កម្មវិធីកម្សាន្តមួយ ដោយបានស្លៀកឈុតពណ៌ខៀវ​បង្អួត​សម្រស់កាន់តែឆើតឆាយ​ និងបាន​ទាក់ទាញ​ភ្នែក​អ្នក​គាំទ្រ​ជាច្រើនឱ្យលាន់មាត់សរសើររូបនាងមិនដាច់ពីមាត់ថា នាងជាសក្តិសមជារាជិនីសម្រស់របស់ចិនពិតៗ៕

ប្រែសម្រួល៖ សន្យា

ចុចអាន៖ គម្រប់ខួប ៤១ឆ្នាំ ហ្វាន ពីងពីង បង្ហាញសម្រស់ស្អាតដូចទេពធីតា

ចុចអាន៖ វិលចូលសិល្បៈវិញ សាន់ ឆាយ នៅតែរក្សាតំណែងជារាជិនីសម្រស់របស់តៃវ់ាន់