ជីវិតកម្សាន្ដ

លីវ ជីលី អំពាវនាវឲ្យពលរដ្ឋខ្មែរពួតដៃគ្នាគាំទ្រ ពេជ្រ វត្តីសារ៉ាវឌ្ឍី ខណៈការគាំទ្រថមថយខ្លាំង

បានផុស

២ years មុន

នៅ

ថ្ងៃព្រហស្បតិ៍ ២៩ កញ្ញា ២០២២

ដោយ

កញ្ញា លីវ ជីលី ម្ចាស់មកុដ Miss Grand Cambodia 2020 បានចេញមុខអំពាវនាវស្នើសុំចិត្តមហាជនឲ្យចូលរួមគាំទ្រចំពោះបវរកញ្ញា ពេជ្រ វត្តីសារ៉ាវឌ្ឍី ដែលកំពុងត្រៀមខ្លួនប្រកួតលើឆាកអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា លីវ ជីលី បានប្រកាសជំហររបស់ខ្លួនបែបនេះថា មិនថាកាលៈទេសៈបែបណាក៏ដោយ ក្នុងនាមនាងខ្ញុំជាខ្មែរ មានបេះដូង និងឈាមជ័រជាខ្មែរ សូមជម្រាបដល់បងប្អូនដែលគាំទ្រវិស័យបរវកញ្ញាទាំងអស់គ្នា ពួកយើងត្រូវតែពួតដៃគ្នារួបរួមសាមគ្គីគ្នាក្នុងគ្រានេះ ព្រោះនាងខ្ញុំធ្លាប់យល់អារម្មណ៍មួយនេះ ពិតជាត្រូវការកម្លាំងចិត្តពីបងប្អូនខ្លាំងបំផុត។

បវរកញ្ញា លីវ ជីលី បន្តទៀតថា ពេលខ្លះអាចបាក់ទឹកចិត្តក៏ថាបាន សង្ឃឹមពុកម៉ែបងប្អូនជួយគាំទ្រពេញទំហឹង ព្រោះគាត់ជាបរវកញ្ញាខ្មែរយើង ១ រូប ត្រូវទៅប្រកួតនៅលើឆាកអន្តរជាតិប្រសិនបើយើងមិនគាំទ្រ តើបាននរណាមកគាំទ្រនាងទៅ។ សង្ឃឹមថាពុកម៉ែបងប្អូន នៅតែបន្តការគាំទ្រវិស័យមួយនេះឲ្យរីកចម្រើន។

សូមបញ្ជាក់ដែរថា កញ្ញា ពេជ្រ វត្តីសារ៉ាឌ្ឍី ដែលជាម្ចាស់មកុដកញ្ញាឯកដ៏អស្ចារ្យនៃកម្ពុជា ឆ្នាំ២០២២ (Miss Grand Cambodia2022) ថ្មីៗនេះ ក៏បានចេញមុខទទូចស្នើសុំការគាំទ្រ និងផ្តល់កម្លាំងចិត្តពីមហាជនខ្មែរទូទាំងប្រទេសផងដែរ ខណៈការប្រកួតនៅលើឆាកអន្តរជាតិដែលរៀបចំឡើងនៅប្រទេសឥណ្ឌូណេស៊ីកាន់តែកៀកមកដល់៕