ធ្លាយដំណឹងថា BTS នឹងសម្ដែងបើកការប្រកួត World Cup ឆ្នាំ ២០២២ នៅកាតា

យោងតាមប្រព័ន្ធផ្សព្វផ្សាយដ៏មួយរបស់ម៉ិកស៊ិកបានចុះផ្សាយកាលពីថ្ងៃចន្ទថា “ក្រុមតារាចម្រៀង BTS នឹងសម្តែងបើកកម្មវិធីការប្រកួតបាល់ទាត់ពិភពលោក ‘FIFA World Cup ឆ្នាំ ២០២២ នៅក្នុងប្រទេសកាតា។

ប្រព័ន្ធផ្សព្វផ្សាយបានបន្ថែមទៀតថា “BTS នឹងក្លាយជាក្រុមចម្រៀងកូរ៉េខាងត្បូងដំបូងគេដែលបានសម្តែងនៅក្នុងព្រឹត្តិការណ៍ដ៏ធំបំផុតក្នុងប្រវត្តិសាស្ត្របាល់ទាត់មួយនេះ ។

ទន្ទឹមនឹងនេះដែរ ពិធីបើកការប្រកួត FIFA World Cup ឆ្នាំ ២០២២ នឹងប្រព្រឹត្តទៅនៅថ្ងៃអាទិត្យ ទី២០ ខែវិច្ឆិកា នាកីឡដ្ឋាន Al Bayt ក្នុងប្រទេសកាតា ពោលក៏ជាថ្ងៃតែមួយជាមួយនឹងការប្រកួតបើកឆាករវាងប្រទេសកាតា និងប្រទេសអេក្វាឌ័រ។

ស្របពេលជាមួយគ្នានេះ BTS ក៏កំពុងតែមមាញឹកបំពេញបេសកកម្មរបស់ខ្លួនក្នុងការផ្សព្វផ្សាយកម្ម វិធីបាល់ទាត់ ‘The Goal of the Century’ ដែលជាគំនិតផ្តួចផ្តើមដោយក្រុមហ៊ុន Hyundai Motors ហើយក៏ជាអ្នកឧបត្ថម្ភផ្លូវការ និងជាដៃគូជាមួយ ‘FIFA World Cup 2022’ ផងដែរ ៕

ប្រែសម្រួស៖នាងតូច

ចុចអាន៖Jisoo នឹងក្លាយជាទូតសុឆន្ទៈឲ្យម៉ាកយីហោគ្រឿងអលង្ការដ៏ល្បីមួយរបស់ បារាំង

ចុចអាន៖ធ្លាយដំណឹងថា សមាជិកក្រុម BLACKPINK នឹងចូលរួមសម្ដែងក្នុងខ្សែភាពយន្ត Marvel