ជីវិតកម្សាន្ដ

រតនៈ វិសិដ្ឋ ផ្ទុះកំហឹង ក្រោយមានគេយកសមត្ថភាពមនុស្សម្នាក់ទៅប្រៀបមនុស្សម្នាក់ទៀត

បានផុស

២ years មុន

នៅ

ថ្ងៃព្រហស្បតិ៍ ៦ តុលា ២០២២

ដោយ

ពិធីករ និងតារាសម្តែងរូបសង្ហាលោក រតនៈ វិសិដ្ឋ បានបញ្ចេញប្រតិកម្មបង្ហាញការមិនសប្បាយចិត្ត ក្រោយមានការនិយាយប្រៀបធៀបរវាងសមត្ថភាពមនុស្សម្នាក់ទៅជាមួយមនុស្សម្នាក់ទៀតដែលលោកយល់ថា មនុស្សគឺមានសមត្ថភាពមិនដូចគ្នាទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក្តី តារាប្រុសលោក រតនៈ វិសិដ្ឋ មិនបានបញ្ចេញឈ្មោះទេថា ការលើកឡើងនេះចង់សំដៅលើបុគ្គលណា។ ពោលគឺគ្រាន់តែលោកនិយាយអះអាងដូច្នេះថា ការបង្ហោះនោះ និយាយជាទូទៅប៉ុណ្ណោះ មិនសំដៅដល់បុគ្គលណាម្នាក់ឡើយ។

លោក រតនៈ វិសិដ្ឋ រៀបរាប់សារក្នុងចិត្តថា «ស្អប់បំផុតទាក់ទងការងារដោយយកមនុស្សម្នាក់មកប្រៀបជាមួយមនុស្សម្នាក់ទៀត មនុស្សខុសគ្នា សមត្ថភាពខុសគ្នា ហេតុអ្វីយកមកប្រៀបធៀបគ្នាមនុស្សចេះធ្វើការគេអត់និយាយបែបហ្នឹងទេ ខ្ញុំជឿថា អ្នកណាក៏ដូចអ្នកណាដែរ តែយើងយកខ្លួនគេទៅប្រៀបជាមួយអ្នកផ្សេង គេក៏អត់សប្បាយចិត្តជាមួយដែរ»។

តារាសម្ដែងរូបនេះ បាននិយាយបន្ថែមទៀតថា ពេលខ្លះ ក៏អាចធ្វើឲ្យបុគ្គលដែលយើងយកមកប្រៀបធៀបនោះ ស្អប់គ្នាទៀត យល់ឲ្យច្បាស់បន្តិចទៅ ធ្វើការរៀនឲ្យតម្លៃលើការងាររបស់គេផង ទើបគេគោរពឲ្យតម្លៃអ្នកវិញដូចគ្នា។ និយាយជាទូទៅ មិននិយាយសំដៅលើបុគ្គល។